كيف الفرح ياعين والقلب ماطاب يقول اشكي شي ولا اعرف ايش حاصل لي يقولون ربعه فيك قولون ولا املاح وحاول يسج وان لقى التسليه سلي ودلا يجي معه احتقان وتعب وكحاح ومن شاف وجهه قال وجهه مو ب الي ويقرى عن اعراض الورم بحث واسفصاح وفي نفسه يقول كل ماذكر جاي لي ودلت تجاذبه الوساوس وسده باح وقال احجز عند استشاري يبين لي ولا علم احد بموعده سارح مسراح مثل يالله استر خوفي وضعفي وذلي وصل للطبيب وقال شيع وثم ارتاح الين يخلص حق الاشعه ويرسل لي وجته الاشعه وثم ناظر وقام وراح وقال ياخي لازم نحللك كلي وجوه الاخصاء ذا مخدر وذا جراح وكثر الرطين ومن رطن فيه ماخلى وقالو لزوم تتنوم وبكره الصباح نشوف ونعرف نفسر الامر لاجلي وعرف ان بالامر اشتباه ويبون ايضاح ولا اشين من التفكير بالموت لا ولي ودلا يفح وعرق بيده المسباح وهو وخلقته ماقد تخوف ولا جلي من الخوف لو يقال له كيف حالك صاح ويونس بحلقه مثل رمانه البلي ونامت يديه وراح صوته وقلبه طاح ولو تذبحه ماسال دمه ولا ملي ولاذا ببرفسور حياته تعب وكفاح ماراحت حياته ياعشيري وياخلي ذكي وقديم مره وفاهم ولماح يقول الاطباء كل ابوهم تحت ظلي وناظر تحاليله وقال الجهل ذباح وخلو الي مقرر له النوم ينز لي ضرب كتفه وقال انك انشط من التمساح وانا والله ماعدك الا رفيق لي خذ اوراقك وعليك بالماء والتفاح وداوم على هالحبه وجرب وقلي وعود على مخباته يلمس المفتاح تغارق ادموعه والفرح شي جبلي وطلع مثل طير مخويله على مرواح وكنه ينادي يادموع الفرح هلي واخذ عزبته وحد اخوياه ونوا المرواح يهيجن على يامل قلبي وياملي ولا شب ناره غير في الوادي ابو طلاح يازين القلق والهم والخوف لا جلي
