السلام عليكم ورحمه الله وبركاته هذه قصيدة شعرية للشاعر الشيخ راجح العجمي يقول مـن فـي نظـم الاشعـار حسـاس ... يتـعـب عليـهـا لاجــل فيـهـا حسـاسـه يبنـي عـلـى منـهـج ومـبـدأ ومقـيـاس ...نـظــم الـجـواهـر مادخـلـهـا نـحـاســه هيضنـي اللـي يجعـل الفـكـر يحـتـاس ...جـيـلٍِ يشـيـب روس الاطـفـال نـاســه اللـي طبعهـم دومـا مقلديـن الانجـاس ... اهـــل الـتــرف والتـنـعـم والـمـلاســه في الليل مايرقـد علـى الـدش جـلاس ...واذا اصبح خنس ماتحس له حساسه فان المراجـل مـن عطـا والـى النـاس ... وهبـه مـن الرحـمـن وايـضـا دراســه والمرجـلـه تبـغـى مـعـا قــوة الـبـاس ... توفـيـق مـــن رب الـعـبـاد وحـمـاسـه احـد عطـاه الله واخذهـا علـى ســاس ...واحــد عـطــاه الله واخـذهــا فـراســه وترى الرجال اشكال وانواع واجناس ... والـرجـل يـعـرف مسـتـواه ومـقـاسـه فيهـم اسـد وحمـاه مـا هـو ب ينـداس ... تخشـى السبـاع الضـاريـة قــو بـاسـه وفيهم جمل ينقـل ولـو حسـه الحـاس ... ومن جا تحت خفه على الارض داسه وفيـهـم ســواة الـذيـب للبـعـد نــواس ... وراد شــــــراد بــعــيــد الـعــســاســه وفيهـم سـواة الثـور يـاكـل ويحـتـاس ... مـا يعـرف البـر الحـمـر مــن كنـاسـه وفيهم سواة اللـي ورا البيـت حـراس ... وان كمـل المـاعـون خــان الحـراسـة وفيهم حصيني عيشته مكـر والحـاس ... جـبـان لـكـن فـيـه بـعــض السـيـاسـة وابنذر اللي عـاد فـي راسـه اعطـاس ... يـرفـع بنـاتـه عــن بـيـوت النـجـاسـه جـود مناسبهـم تـرى العـرق دســاس ... بـعـض الاســود مخلـفـيـن البـسـاسـه
