من طاح بوسط البحر قالوغريق انا غريق مع الهوى ماحد درا يالفاتنه يام الجمال اللي يليق والله يازينٍ فيك ماعمره جرا ياشبه وضحى كفو ومنسبها عميق ما عمرها لقحت ولا جابت عشرا جمالها يحتاج للوصف الدقيق ويقرا عليها الفتاحه والم ترا انتي غيابك يجعل الدنيا تضيق وطاريك يبهج خاطري لمن طرا اللي معه ملحك وزينك مايضيق واللي معها املاح تدفن في الثرا وعيونك الثنتين عيت لاتفيق يادوب ترمش كن داخلها غرا والصدر به مفرق على نص الطريق اللي مايدري عن هذا المفرق سرا والخصر كنه لابسٍ خاتم عقيق القوس من قدام والفصه ورا احيان احس اني مسند مع طويق واحيان احس اني مدحدر مع كرا
