ليه يا نور عيني كـل هـذا الصـدود وين ذاك العهد يا بو العيون الوسـاع غبت عن ناظري لك تسعه اشهر وزود غبت والقلب من بعدك وعيني صـراع نحسب انك بتنسى كل ذيـك العهـود يوم ممشاك لي ياقـرة العيـن بـاع قبل يازين ماتسمـع كـلام الحسـود وقبل يسقيك كاسات الجفـاء والامتناع ياعديم الوصايف كل مافـي الوجـود هان وارخصت روحي يوم حل الوداع يااسمر اللون صبري قد تعدى الحـدود لاتأخـر علـي يازيـن بالأجتـمـاع والله اني على عهدك وعندي شهـود ماعترض رغبتك يازين وامرك مطاع والمثل قال بشر من يصيـد الفهـود مثل ماصادهم ينصاد لو هـو شجـاع
