الشعر فكرة

الشعر فكرة يمكن إنها تنتهي في شطر بيت
وانا بقوم آجرد الفكرة واجيك بلبها
لازم تأقلم مع غثى الدنيا ولونك مارضيت
إلى متى الدنيا تجرح فيك وانت تسبها
كن شخص إيجابي وتبسم وخلك إتيكيت
قم فرق الظلما وجمع في الشموع وشبها
انثر غبار الهم عن قلبك ترا المهموم ميت
انحش عن الضيقة وشرف في الرجوم وذبها
لا تنطوي نفسك على نفسك وتذبل ما دريت
خل المطر يمطر عليها والهبوب تهبها
أنا لو اني كل ماحدتني الدمعة بكيت
إن كان ببلش في جروحن ما يلاقا طبها
إن مالقيت اللي تحب .... لازم تحب اللي لقيت
أصعب حياة تعيش ماعندك حياه تحبها
الشاعر : محمد المقحم