ياعيد وان مرك عن الحال نشّاد قلّه صدور الناس تشكي عللها ياعيد ماعادت بك افراح تنعاد ونفوسنا طابت و طول زعلها مالت بنا الدنيا على ظيم واجهاد وجتنا مرارتها وروّح عسلها همٍّ يروح وهمّ للصدر ورّاد على ديارٍ ماندور بدلها ياعيد محّد حط لجروحنا ضماد وجروحنا نزّت من اصفر عملها سبعة اعياد ٍ فوقهن سبعة اعياد وبلادنا ياعيد .. كلّن خذلها مرت علينا سنين والدار تنباد والظيم دكّ جبالها مع سهلها عاثوا بها قومٍ بهم شرك والحاد وماظل غازي من الدول مادخلها الدار راحت لقمةٍ بين الاوغاد احدن بلعها بلع واحدن تفلها كل يوم ويا الموت للشعب ميعاد وعيوننا ترقب وزايد بللها ياعيد والفوضى غزت كل البلاد مع كل جانب قام يدرج عجلها صار الجدل في مجلس الامن يزداد وناسٍ تجادل مانفعنا جدلها صارت قضيتنا لها عدّة ابعاد سبعة سنينن طامسين بوحلها والشعب متشتت جماعات وافراد واخوان مبعد عن بعضها حَللها ماعاد به ياعيد زرّاع حصاد تبدلت عقب الربيع بمحلها وماعاد به عـالعدّ ياعيد ميراد وضعاين البدوان ولّت باهلها مافادنا طول الصبر و التوجاد وكبودنا كثر التوجّد دبلها واللي نحسبها لنا عون وسناد عند المواقف بان فيها خللها قل للعرب ياعيد وش عاد وش عاد راحت شواربكم ومحد فتلها من قدسنا للشام وان جيت بغداد كل العرب ياعيد بيّن فشلها ياعيد وان مرك عن الحال نشّاد قول العروبه تشتكي من شللها يالله ياللي تجود من جودك اجواد تفرج على ناسٍ تزايد وجلها يارب سترك مالنا بذل مقعاد يالله تسهلها وعندك سهلها وصلي على من قادنا لدين الارشاد باعداد ماهلّت امزون بـ هللها ثامر الفاعوري
