المجلس الي مايرحب في قدومك لاتجيه

الموضوع في 'الشعر والروايات الادبية' بواسطة ابوفارس, بتاريخ ‏8 يونيو 2019.

  1. ابوفارس

    ابوفارس ادارة المنتدى إداري

    إنضم إلينا في:
    ‏12 يوليو 2014
    المشاركات:
    560
    الإعجابات المتلقاة:
    191
    نقاط الجائزة:
    43
    الجنس:
    ذكر

    المجلس الي مايرحب في قدومك لاتجيه
    لو كان سقفه عاج والتركي صنع زوليته
    حتيش لو راعيه يملك بالريال وبالجنيه
    ماتملكه بعض الدول ملكه وميزانيته
    الرجل لامن صار له كلمه وله راي وجيه
    ان ماغداله فالمكان شداد يحفظ جيته
    استغفر الله لعنبو بعض النوايا والوجيه
    لاخصهم ضيفً مسيّر شككو في نيّته
    لاكن على ماقيل ياوجه النزيه ابن النزيه
    الناس تعرف طيب النيه على عفوويته
    الملتزم بالصمت مايخطي ولا يخطى عليه
    انشهد ان الصمت يحفظ لرجل شخصيته
    لاتعطي الهذار وجه ولاتخاويلك لك سفيه
    لوساق لك جاهه وطش عقاله وطاقيته
    مايطرح الرجال في عيني عسى الله يهديه
    غير الكبر لويفرق بطيبه وفي شكليته
    لا يزيد الرجل بعيون الرجال وتشتريه
    غير الكرم لو تنقد العالم على عقليته
    الله ولا من يشذب العرقوب لوماقال فيه
    هذاك لاتلعب على وزنه ولاقافيته
    ماهوب شرط عباد ربي ترتضي ماترتضيه
    منت بولي الله على أدم ولا ذريته
    لاتنشغل بالناس يابن الناس فيما هي تبيه
    كلً له اسلوبه وله طبعه وله حريته
     

مشاركة هذه الصفحة