ضبيا نطحني يجرّ الغـيّ ويـلمّـه .......مثل أمّي أنّه عذاب الروح مثل أمّـي عليه لبّسنـي إبليـس الهـوى عِمّـة .......وابليس من قبل بن خالي وابن عمّـي يا ليت من هو تليّن في طرف كمّـه .......اليا تمدّد طـرف كمّـه علـى كمّـي غروٍ ذبحني وانا مـن لحمـه ودمّـه ....... وش بقّىْ للي مهو من لحمـي ودمّـي لا جيت اخمّه وقلـت الخمّـه الخمّـة .......قال :ابتعد يا ولد بدري علـى خمّـي ما يدري انّه خبر (إنَّ) وأنـا ضمّـة .......يا حلو حلو الخبر مرفوع بالضمّـي اليا انكشف لي نحَرْه وبانـت الزِّمّـة .......قامت شياطين بقعـا تزمّنـي زمّـي يا عين شيهانـةٍ فـي عالـي القمـه .......قمّت بريشٍ وريش البُرْق مـا قمّـي لو في بريقعْه رحمة كاشـف الغمّـة .......ما كان زوّد سـواد بريقعـه غمّـي الزين إلى جاء لزينن ناقـصٍ تمّـه .......والله لولاه حسن البيـض مـا تمّـي زينٍ عليّـه تغيّـر وانعَسَـر صمّـه .......نسى حلا ليـالٍ عسْرهـا صمّـي وهو صار لي في الرخا عبدٍ وانا عمّه .......لا جاء القسا صرت له عبدٍ وهو عمّي سقى الولي يوم انا دلوٍ وهـو جمّـة .......ماقد سقى كبدي ألا صافـي الجمّـي يا لعنبـوه انْ مدحتـه كنّـي آذمّـه .......وغيره تمنّاني اقصد به ولـو ذمّـي مدري على اسم القمر سمّوه يا يُمّـه .......والا على اسم الغضي وجه القمر سِمّي