جميع كلمات الفنان الراحل بشير شنان

الموضوع في 'الشعر والروايات الادبية' بواسطة ابوفارس, بتاريخ ‏11 مارس 2017.

  1. ابوفارس

    ابوفارس ادارة المنتدى إداري

    إنضم إلينا في:
    ‏12 يوليو 2014
    المشاركات:
    568
    الإعجابات المتلقاة:
    191
    نقاط الجائزة:
    43
    الجنس:
    ذكر
    اذا قلت ابنسى يافهد حب بعض الناس ..تذكرت ايامً مضت لي مع الغالي
    واذا حل به طاري غدى كن بي وسواس ..وقضا العمر في رجوا الحبيب على الخالي
    انا بعد مافارقت غض النهد محتاس ..ولا في يدي حيله على قدرة الوالي
    انا من بكى عيني غدى كن فيها نعاس ..وقلبي من الخلان ماهوب متشالي
    غرام الحبيب يافهد شاربه في كاس ..تجرعت علقم يافهد واحسبه حالي
    الى من ذكرت الي خدوده كما القرطاس ..كرهت الحياة وعفت انا المر والحالي
    وشديد المصيبه كل ماشفت شيب الراس ..وان طال هجره يافهد خلصت حالي
    بلاني بحبه واثر حبه بليا ساس ..وقلب الشقى مهوب من عشرته سالي







    ازكى التحيه مع الاشواق ..لك ياحبيبي بعثناها
    مع بريد الهوى الخفاق ..لك طاير الشوق وداها
    محبتي لك من الاعماق.. من مسكن الروح مبداها
    قلبي عليك اشتها واشتاق ..واسهر عيوني وعناها
    لا ولا غيرك لي احدن لاق.. لي في ابعد الناس وادناها
    غصنك غضيض والورود رقاق ..عشر وثمانك حسبناها
    يوضي سنا نورك البراق ..بد الشهر نورك اضواها
    والي حصل يةم صار افراق.. فيك السعاده فقدناها
    القلب لو من غرامك فاق.. يمكن لياليك ينساها
    لاشك قلبي وقع وانعاق ..في غبةٍ ماعبرناها




    الا ياحسين الدل يابوخدود ملاح..شريكي بروحي مشهدن كل خلق الله
    فتاة شباب كن في صدرها تفاح.. نجل عيونه سود ماتعرف الكحله
    الا يامحمد ياعضيدي رماني وراح ..وانا احبهم ياخوك والحال منسله
    حبه بقلبي مثل رمين وضرب سلاح ..وانا تايب لله ماجيت في زله
    راعي الهوى مسكين لمن ذكره وصاح ..يرمي بروحه للقهر ولاهب العله







    الاياسيد كل الناس غرامك جاب لـي الوسـواس .. ونهب عقلي بدون قياس تفضل عندنـا يازيـن
    تفضل واشرب الشاهي بياله شاهي على الماشي .. ولا تخشى من الواشي دخيلـك ياكحيـل العيـن
    وقف واشر بمنديله وخفف عـن وجهـه الشيلـه .. وقال الموعد الليلـه وجانـي داعـج العينيـن
    بدون اشعور خميتـه وفـوق الصـدر ضميتـه .. وحتى لسانه مصيته وليلـي قـد صبـح ليليـن
    دخل محبوبي الأوضه وجانـي مغيـر الموضـه ..بجدايل سود منقوضه وشفايف حمر واسطبيـن
    وقـف وقلـت ياستارانـا فـي ليـل والانهـار ..عيونك ليه تشعل نار من الرحمـان مكحوليـن
    وقف خلي وطفى النور وفرجني على المستـور .. وسعيت وطفت بدون شعور وليلي صار به ليلين
    وعند الصبح وادعني وطلبـت مـنه يواعدنـي .. بساعه وصل تسعدني تنسيني الهمـوم سنيـن





    البارحه ساهرن والعين عيت تنام .. عيني تهل الدموع وحرقت وجنتي
    ياريم عذبتني ياريم هذا حرام ..حرام ياريم تحرمني الحياة ومشتهي
    الله جعل ياعرب عيدين في كل عام..واليوم عيدي انا والخل يافرحتي
    ويشهد علي رب زمزم والحرم والمقام ..اني فلا اخون عهدك يوم عاهدتني









    البارحه ساهر والنوم ماجاني ..والعين سهرت تناجي الي مجافيها
    حبه بقلبي وقلبي شب نيراني ..نار بقلبي عسى المزيون يطفيها
    شفته وانا ماشي بالسوق واقفاني ..قلب المولع معه والحال باريها
    لما نظرني تبسم وقال يافلاني ..نار المحبه اشوفك واقع فيها
    قلت المحبه بلتني كيف تنساني ..والحب بلوى ونفسي صرت مشقيها
    عصرآ مضالي معك ياسيد خلاني ..لامن ذكرته تهل العين مافيها






    لبارحـه ساهـر تكـدر منامـي .. ياعين نومي واتركي كل شيطـان
    ياعين ماينفـع كثيـر الملامـي .. واللي مضى ياعين عديه ماكـان
    هذي نصيحه واحفضي لي كلامي .. للمقبلات مـن الليالـي والأيـام
    الأوله ممشـى عيـال الحرامـي .. ومن الردي اللي على السد خوان
    ومن السكوت اللي يشيل الكلامي .. وفي كل مجلس قال لفلان وفـلان
    واللي بعرفك قاصد بـك مرامـي .. يرميك للأعداء ويبعـد بالأوطـان
    وان جاك شبه اللي يشيل العظامي .. يصد الا شافك ويغضي بالأعيـان
    عاشر صبي بالمراجـل تمامـي .. ينفع بوقت الضيق في كل الأحيان
    الا زهمته جاك يجـري همامـي .. يقضي لزومك مايفكر بمن كـان
    هذاك خله لـك شبيـه الحزامـي .. ولا تبيعه لو غلت فيـه الأثمـان










    البارحه سهران دمعي على الاوجان ..خلي وسيع اعيان هو مرهم جراحي
    ياحلو يافتان ياقايد الغزلان ..ارحم فتى ولهان من الحب ماأرتاحي
    ياداعج الاعيان ياخوخ يارمان .. ولا عنب لبنان عقلي معك راحي
    دورت بالظهران والحضر والبدوان ..ورجعت انا حيران والقلب ماأرتاحي







    البارحـه عيـت عيونـي تنـام .. سهران محدٍ فطـن فـي حالتـي
    باأسباب ظبي رمانـي بالسهـام .. ساعـه نظرتـه هلـت عبرتـي
    أشرت له قلـت يابـدر التمـام .. وقـف دقيقـه وأفهـم كلمتـي
    اعطيك حرفيـن يافـرخ الحمـام .. عسـاك تسمـح تلبـي طلبتـي
    وأعطف على اللي بحبك مستهام .. والنار شبت في داخـل مهجتـي
    وبالوصف عيني لنور غيرك ظلام .. ليتـك بنظـره تـداوي علـتـي







    البارحه فزيت من غرقه النوم .. مرتاع وقلبي كن وسطه حريقه
    والله لولا الميز لأصيح مظلوم .. ولأشق جيبي ثم اقول الحقيقه
    لاشك عند الغرق ماينفع العوم .. والنوح مايطفي لهيب الحريقه
    ياعاذلي كف العذل عنك واللوم .. الصبر عن مظنون عيني ماطيقه
    واجب الى من شفت مبلي ومهموم .. تدعي له الله ماتعارض طريقه
    كل الذي يجري على العبد مقسوم .. من عند من ينجي النفوس الغريقه
    ان مت بأسباب اريش العين مرحوم .. اللي رمى في القلب مليون ضيقه
    الله يبيحه عد مايظهر نجوم .. وعداد مافي وقتنا من دقيقه






    البارحه في منامي شفت خلي .. فزيت كني قريص عضه الداب
    فرحان مرتاع وارحب واهلي .. والدمع مني على الأوجان سكاب
    احسب وليفي عنالي في محلي .. هداه ربي وعود عقب ماغاب
    لاشك خاب الامل في الصاحب .. اللي طاع العواذل وعاداني بلا اسباب
    اول الى غاب عني يعتذر لي .. واليوم اوافيه ماكني من الأصحاب
    عسى النمايم وراعيها يولي ..اما القبر او سجين وسط سرداب
    اللي تسبب ونكر صاحب لي .. عليه دمعي سوات السيل صباب
    الله حسيبه دهاني وقرب اجلي .. وشيب براسي وانا توي بعد شاب
    خلى هدومي من عضامي تملي .. واسقاني المر في كيسان واشراب
    والختم هذا اللي الله رايد لي .. ما لي جدى كود اراعي النجم لاغاب







    البارحه ليل السعاده والافراح ..ليلن عسى ربي علينا يعوده
    ليل قضيته بس في هرج ومزاح ..مع الحبيب الي زهى الزين عوده
    العود موز وبالصدر طلع تفاح ..وكن القمر بالليل لمعة خدوده
    وحمر الشفايا بينهن بيض وضاح ..من شافها ياناس ضيع ردوده
    متى يعود الليل والبال ينساح ..واسج انا والزين حزه وجوده
    وان عاده الله طاب كيفي وابرتاح ..ولاجزت عيني وعافت رقوده
    ان صحت انا بالصوت مالي بمنصاح ..راعي الهوى عينه ونفسه تقوده
    والي تسمع كل عاذل ونصاح ..الله يعود الليل الله يعوده
    اسبح انا الزين والهم ينزاح ..واقطف من البستان زهرة وروده






    البارحه ماسليت ولابنومي اهتنيت..والشاهدالله بكيت بسباب بدر التمام
    عقب العشاءرحت ازور مشتاق لبدرالبدور .. ساري بليا شعور وراعي الهوى مايلام
    دخلت بيته وانا كلي سرور وهنا .. جاء غايتي والمنا تعبان والله حرام
    من شفته قلبي رجف ومن روعه جوي اختلف..والعقل مني انصرف وانقلب نوري ظلام
    سابقتني دمعتي وشهقت ياحسرتي..ومسحتها بغترتي اخاف زودالكلام
    قلت امش يم الطبيب تاخذ علاح وتطيب.. قال انت لو ماتغيب انا بنعمه دوام
    قلت انا روحي فداك ماهمني الا رضاك.. في خير ولاا هلاك يالموت والنار حام
    مادمت صارحتني وفي الحب متعتني.. واخلصت ماخنتني هذي اصول الغرام
    القلب عاف الجميع لو يشترونه يبيع ..مايسمع ولا يطيع الا انت ياابن الكرام






    البارحه ونيت واهتز سطح البيت ..على الذي وافيت داخل على الدكتور
    منديله في يمناه والشنطه في يسراه ..ياليتني وياه كان ماعلي قصور
    بموت من حبك يازين خف ربك ..عطف علي قلبك واقول لك مشكور





    البارحه ياناس انا سهران .. سهران قلبي لاتلومونه
    باسباب ضبي لي من الغزلان .. خوفي من الحساد يارونه
    العين سودا والهدب سردان .. يذبح جميع اللي يشوفونه
    والخد فيه نور القمر لابان .. نور عليه الخط يقرونه
    وياغصن موز في ذرا بستان .. لامال عوده مالت اغصونه
    اول نشوفه في بعض الأحيان .. واليوم حال الواشي من دونه
    وشبت حرائق في القلب ياخوان .. وين الذي بنظره يطفونه
    وختمي عدد حرف وسط قرآن ..جمعه و جميع الناس يقرونه






    البارحه يوم الخلايق نياما .. بيحت من كثر البكى كل مكنون
    قمت اتوجد له وانثر علاما ..من موق عيني دمعها كان مخزون
    ولي ونه من سمعها مايناما .. كني صويب بين الأضلاع مطعون
    والاكما ونه كسير السلاما .. خلوه ربعه للمعادين مدوين
    ولافونت راعبيه حماما .. غادي ذكرها والقوانيص يرمون
    تسمع لها بين الجرايد حطاما .. ومن نوحها تدعي المواليف يبكون
    مرحوم ياللي مات شهر الصياما .. صافي الجبين بليله العيد مدفون
    حطوا عليه من الخرق ثوب خاما .. وقامو عليه من الترايب يهلون
    مرحوم ياللي مامشى بالملاما .. جيران بيته راح مامنه يشكون
    اخذت انا وياه عشره اعواما .. مامثلهن في كيفه مالها لون
    والله كنه ياعرب صرف عاما .. وياحيله الله شغل الأيام وشلون
    واكبر همومي من بزور يتاما .. لاجيتهم قدام وجهي يبكون
    وان قلت لاتبكون قالواعلاما .. نبكي ويبكي مثلنا كل محزون
    قلت السبب تبكون قالوا يتاما .. قلت اليتيم انا وانتم تسجون
    مع البزور وكل جرح يلاما .. الا جروح بخاطري مايطيبون
    قمت اتوجد عند ربع حشاما .. وجوني على فرقا خليلي يعزون
    قالوا تزوج وانس لامه بلاما .. ترى العذارى عن بعضهم يسلون
    قلت انا اخاف من غاديات الزماما ..اللي على ضيم الدهر مايدارون
    تزعل عيالي بالنهر والكلاما .. وانا تجرعني من المر بصحون
    والله لولا هالصغار اليتاما .. واخاف عليهم من السكه يضيعون
    لاقول كل البيض عقبه حراما .. واصبر كما يصبر على الحبس مسجون
    عليه مني كل يون سلاما .. عده حجيج البيت واللي يطوفون
    وعداد مانبت النفل والخزاما .. على النبي اللي حضرتوا تصلون







    البارحه يوم امرحوا الخلق شقيت .. جيبي ودمع العين مني يهلي
    على الذي في سوق رفاع وافيت .. قلت السلام وهقوتي ما فطن لي
    دبر وانا في موقفي ما تعديت .. دبر سليم وطحت انا في محلي
    تسابقت عبرات قلبي وونيت .. ونه لو اني عدتها طار عقلي
    تراكضوا جيراننا وامتلى البيت .. قالوا علامك قلت جيبوا الكفن لي
    مادام غض العود قفى وانا اقفيت .. واللي يبي قلبي العنا ما حصلي
    وش فايدت عمري الا من تعافيت .. الموت اريح لي من افراق خلي
    يا موت وش علمك على القبر شحيت .. ما نيب الأول كم خذى الحب قبلي
    الله يصيبك لابغيناك ما جيت .. ياموت عجل خل عنك التغلي
    صارت حياتي هم واليوم مليت .. ما ابغى حياتي عقب ماراح خلي
    اول الى من جيت له يفرش البيت .. واليوم بانت رغبته يبي قتلي
    لامن نشدته بيننا ويش سويت .. يقول انت ابخص ولا تعتذر لي
    بيحدني اشتري قاز وكبريت .. واشعل بنفسي نار واقرب اجلي







    العين بصيره واليد قصيره ..والشك والغيره ماريحو بالي
    انت السبب ياأسمر يالابس الاخضر ..تنام وانا اسهر وحطمت امالي
    اشكي وابكي لك والدمع يحكي لك ..صدقني ياويلك من الواحد الوالي
    خليتني محتار والقلب شعل نار ..والعهد والاسرار تربط بك احبالي
    عشت الهوى حسره لجلك يابوسمره ..عبره ورى عبره والنقص في حالي
    ليت الهوى يرحم بالي جرى يعلم ..ياوردي المبسم انتا هوى بالي
    لوكنت تدري بي وانواع تعذيبي ..ماكنت ترمي بي في لاهب الصالي







    الله لايجزيك ياعاذلي خير .. الله ماخلى علينا قصيره
    لله على المخلوق راي وتفكير .. كل على رايه مشى في مسيره
    لوقلت لي انك نصوح لي ومشير .. ماطعت شورك لو علومك كثيره
    عندي لبعض الناس جاه وتقدير .. ولحاجته نفرح ولو هي كبيره
    حب الحبيب اللي علي منه تأثير .. عليه حالي مثل عود الصفيره
    الله حسيبه كسر القلب تكسير .. مثل الزجاج اللي بداد كسيره
    عز الله اني منه مانيب في خير .. اشكي من الفرقا جروح خطيره
    باصبر الين الله يعجل بتدبير .. عسى الله يسهل امور عسيره




    الله مـن قـلـب تـزايـد غليـلـه .. بديت احس انه من الجـوف منـزوع
    والنـوم مـا زار العيـون الكليله .. نومـي تنهـات وعبـرات ودمـوع
    ما ذقت حلو النـوم لـو كـان ليلـه .. صارلي على ذا الحال شهرين واسبوع
    باقـي علـى موتـي ليالـي قليلـه .. وش لون اعيش وباقي القلب مقطوع
    عليك يـا راعـي العيـون الضليلـه .. ياللي تركت القلـب هايـم ومفجـوع
    هايـم ومفجـوع وحـبـك دليـلـه .. يعصى هواي وانت يمشي معك طـوع
    والله لــو كلفـتـه المستحـيـلـه .. امرك مطاع وكـل ماقلـت مسمـوع
    الزين مايقـدر يجـي كيـف اجيلـه .. مالي على الغالي طريـق ومشـروع
    بالله ويـش الفـايـدة والحصيـلـه .. ما دام ممنـوع وانـا عنـه ممنـوع
    قصه غرامـي مـع حبيبـي طويلـه .. ولا بسجل الحب يوجـد لهـا نـوع
    اعيـش ذكراهـا بــروح عليـلـه ..روح بـهـا الموالـيـف مطـبـوع






    الله من ونه ونيتها يالطيف .. واكنها مبغى العدوان تدري بها
    ياريم ياريم ياللي ساكن في عفيف .. عرض عليه بشارات يماري بها
    شفته تمشى مع الشارع بدم خفيف .. وقفت محتار همي بس اراعي بها
    مالي جدى غير دمع العين مني ذريف .. اذا ذكرته عيوني جابت اللي بها
    بالممكله كلها عندي فلاله وصيف ماشفت مثله مع العربان احلى بها
    ابوجديل على الأمتان عمله نظيف اسباب مابي ومثلي من يهذري بها
    ذكر عليه وانا من قبل هذا معيف ياليتني ماعرفت اهله ولاادري بها
    الا ذكرت الحبيب وقت راس آل منيف .. من كثر شده غرامه في مراقيبها
    خلي ذبحني وانا ياناس جسمي ضعيف .. والله من عله قلت تطابيبها
    عفيف ياللي تطبه من حياتك تعيف .. مخصوص لاشفت من عينه رماني بها







    الله واكبر على اللي مر ماسلم .. عصريه السبت وسط السوق وافاني
    من يوم قفى وانا امشي بجو اظلم ..يغفر لي الله لو ان الأسعاف ماجاني
    ياليت غض النهد باللي جرى يعلم ..يشوف حال المولع زاد نقصاني
    من طب سوق الذهب والله مايسلم لاشاف من هو يتخطا في الدرب وحداني
    مدعوجه العين تركب بنتياك ادهم .. فيه البكم يشتغل اشكال والواني
    انا جيت قصدي زياره ياخفيف الدم .. واليوم في حيكم اصبحت سكاني
    ياهل الهوى وين ابلقى بو حجاج اظلم .. قولوا لصافي الثنيه حرام ينساني
    مدري من اهل الملز عسليه المبسم .. والا من اهل الشميسي سود الأعياني








    الله واكبر يازمان مضالي ..اجني زهور الورد والقلب مرتاح
    في وسط بستان مريف الظلالي ..واليوم لاورد ولافيه تفاح
    من صد محبوبي وهجره بدالي ..امشي واسجم واصفق الراح بالراح
    امشي وانا كني من العقل خالي ..والقلب في بحر الهواجيس سباح
    على لطيف الروح حسن الدلالي ..صافي البها من عوده الورد فياح
    لوقلت ابدله عنه مانيب سالي ..وشلون ابدله عنه والبال ماأنساح
    والى ذكرت ايامنا والليالي ..نجلس سوى والهم والغم منزاح
    واليوم اشوفه راح يتبع بدالي ..لاقلت سير قال مولاي ماراح
    قلت المحب الي يريد الوصالي ..يتبع هوى المحبوب لودونه سلاح
    يتبع هوى المحبوب لوكان غالي ..ولايطاوع كل عاذل وكساح
    والله يامهجة فؤادي فلا لي ..غيرك من الزينات يانور الاصباح
    وانت عديل الروح وانت حلالي ..وانتا هوى قلبً غدى كله جراح
    عفت الاقارب كلها والاهالي ..من شان حبك ياهوى الروح وان راح
    قالو يمين وقلت دربي شمالي ..لاتعذلون القلب ماعنده اصلاح
    هيهات ابدل مجلس العز غالي ..واصير باالزلات من بعد الافراح
    ياأهل الهوى ياعارفين بحالي ..قولو سماح وكل سماح وضاح







    الوقت ماتغير مازاد ولاقصر.. الي تغير قلبك الي تغير
    الاشهر والايام والساعه والعام ..كلن بئسمه ماشي ليه ماتغير
    الصبر يازين مضمون سنتين ..تنال قصدك ودايم بالخير تذكر
    ماهي شطاره ترمي الشراره ..في وسط قلبي وترقد وانا الي اسهر
    ياخفيف الزول مهوب معقول ..من يزرع الورد يحصد شوك المقدر
    ياربي الطف ومن همي خفف ..صبرت صبر ايوب على المقدر
    حبيت جاهل شفت المشاكل ..والأنسان يمشي مسير ماهو مخير




    امس الضحى وافيت زينات الالوان..يتحدثن مابينهن الخشوفي
    في سوق مدري كنهن جول غزلان ..انا اشهد اني شفت زين الوصوفي
    الاوله مثل القمر حين مابان ..اجمل جميله في جميع الصفوفي
    انا اشهد ان الي بها ساق الاثمان ..ان الثمن مهما يسوق مخلوفي
    والثانيه بكره فغت بين ذيدان ..مع ذود مصلات بذود يروفي
    والخشم سيف وعينها عين شيهان ..الى زها حناه بين الكفوفي
    والثالثه غصن من العد ريان ..صابن بسهم العين بثنى وقوفي
    رمح رماني غرني بين الامتان ..حتى نفذ من بين قلبي وجوفي
    يشهد على جسمي قرايب وجيران ..الي سمع والي بعينه يشوفي
    شفت البنات الي يهيلن الاذهان ..من ساس بيت بالكمال معروفي






    أمشــي أنــا في العدامـــه سمعت ونه حمامه .. ونه أسى وندامه ذكر علي الوليف
    أمشــي واصــفق بيديـــه من علة داخليه..أمر مقدر عليه مكتوب لي بالجبين
    مـــكتوب اســهر وانــوح والقلب كله جروح..والعمر يمضي ويروح بين الألــــــــم والأســيــه







    ان كان حدك في السفر خمسه أيام .. سافر وباصبر عنك غصب عليه
    حظي معك ياصاحبي مابعد قام .. وامر الولي يملك جميع البليه
    لاغبت فاذكر صاحب صابه أوهام .. اذكرني يالمحبوب صبح وعشيه
    تراك في بالي ولاني بمنلام ..في حبكم يابو العيون الطريه
    سيف المحبه ياريش العين صرام .. والاياك تذبحني بليا خطيه
    باعطيك قرطاس مع اظروف واقلام .. ارسل لنا لاغبت منكم تحيه





    انا البارحه يوم العرب رقدو ونيت .. وكن الحشى تشعل بوسطه لواهيبي
    على الي بحبه وسط قلبي بناء له بيت ..وقفل على سر الهوى بالدواليبي
    ويابوحمد كانك على بيتهم مريت ..اذا شفت سيد البيض زين الرعابيبي
    قل له تراه اخطا وانا مثبتٍ ماأخطيت ..واخطا علي يوم اقصرت بي المواجيبي
    انا ارسلت لك جمله مكاتيب مارديت ..ويالله عسى منتب على البعد ناوي بي
    تخالف علي جيراننا يحسبوني ميت ..وهم مادرو ان الحب له دربٍ صعيبي



    انا الي الشرهه علي يوم حبيت .. واخلصت في حبي لمثلك وشرواك
    ولو التمني قد نفع قلت ياليت .. ياليت ربي لد عرفك وجمعاك
    وياليتني في حارتك ماتمشيت ..ولاعرفتك يوم هذي سوياك
    وياليتني من قبل اعرفك توفيت .. كان مستريح من الغرابيل وياك
    وياليتني ساعة ملاقاك صديت ..مارحت ادور واسطه لي عرفناك
    وياليتني يوم شفتك اقبلت صديت .. عز الله اني مستريح بلياك
    انا صحيح الي على نفسي اخطيت .. اخفيت انا الواضح وخافي خطاياك
    وترى العذر ماينفعك مهما تخفيت .. تشهد عليك الدبله الي بيمناك





    انا بطلب الله وارجي الواحد المعبود .. عليم الخفا الي مابعد خاب طلابه
    يروف بحياة مولع ضامره ملهود .. يخاف الزمن يصك من دونه ابوابه
    انا ماذبحني كود غروٍ عيونه سود .. خذا القلب من بين المعاليق واقفابه
    وانا لي عشير كل يوم غلاه يزود .. وحب العرب ينقص وهو زاد بحسابه
    تزايد غرامه والهوى تابعه مقرود .. الاواهني الي هوى الترف ماصابه
    وانا سامح مدام هو بالوطن موجود .. واهل العباري خوفي الترف يغدا به
    ويازين خلي لالبس افخر الماجود .. عديم الوصايف يوم مر يتخطابه
    يشابه لعين موحش بالشبك مصيود .. وسهوم المنايا بينات بمخلابه
    وياعود موز ناعم .... .. مكانه ظليل وراهي الما بمشرابه







    انا ماذبحني في الهوى كود زين العود .. انا كيف ابصبر واتصبر عن الغالي
    انا ماذبحني كود هرج الغضي بركود .. كلامه يسليني على كل الأشــــكالـي
    انا صابر عن صاحبي ياعرب محدود ..عسى من حداني عنه يحدى على الجــــالي
    انا ماذبحني كود زين العيون السود ..ألا ياعذابي تل قلبي وخلاني
    ابوثنيه بيضاء عليها النهود قعود .. وهو شد عقلي وعلق القلب بحبــالي
    هو ذبحني والخلايق عليه اشهود .. وهوسبب قتلي وانا معه محـــتالي
    ونا قاسم له بالولي ثم بالأعهود .. واناحالف مانسى الغضى ترف الاقدامي
    وانا حالف مأنساه الين ابذل المجهود ..كما ما مشالي بالموده بالأســـهالي






    انا وقلبي على الهجران عزمنا .. طرد المقفى حشى ماهي لنا عاده
    مادمت اخلفت ياغدار عادتنا .. ماعاد لي في غرامك شف اورداه
    درب الهوى منه ياغض النهد تبنا .. والله لأنسى الذي بي طاع حساده
    اول نقدرك يوم انك تقدرنا .. احسب فؤداي معك بيلحق مراده
    واليوم مادامكم بعتوا معرفتنا .. عسى مانقص منك يالفتان بزياده
    ماشفت منا الجفا يوم انت راغبنا .. غيرك نقص حبهم اما انت بزياده
    لاتحسب انا غشوم بعدك تعلمنا .. ومن عضه الداب خاف من الحبل عاده
    للعيش والملح شفناك سلمنا .. ويروغ قلبي الا من شاف صياده






    آه من عله عيت تفارق فؤادي .. والسبايب غزال ساكن الناصريه
    من تفارقتى اناوياه عفت الرقادي .. الله اللي كتب فرقاه غصب عليه
    ياهوى البال انا من عقبكم عفت زادي ..ومن سبايبك انا زاورت حوض المنيه
    ياهوى البال قلبي به جروح اجدادي .. ارحم الحال ياخلي وحل القضيه
    ماملى العين غيرك من الحضر والبوادي .. لو يحضرون اهل الهند واسكندريه
    يوم ربي عطاك وصرت ما لك قيادي .. ارحم الروح دام الروح يازين حيه
    ليه أصبحت لي بعد الموده معادي .. وعقب ماكنت لي مخلص على حسن نيه
    حبكم ساكن في وسط قلبي وكادي .. وسط قلبي جروح من غرامك طريه





    الف اولف من جديد المعانى
    فى حب غض العود صافى الثمانى
    الى خياله تالى الليل جانى
    ونقض جروحن فى الحشى داخليه
    والباء بدل ماترقد الليل عيني
    عافت لذيذ النوم يامسلمينى
    ماعاد لى ناصر ولالى عوينى
    ولولا الرجا زاورة حوض المنيه
    والتاء تمكن صاحبى من فؤادى
    وخزانى وشمت على المعادى
    كلن عرف ماصار حضر وبوادى
    والى جرا كله مقدر عليه
    والثاء ثنيت الرجل مافارق البيت
    وصبحت انا لانى بحين ولا ميت
    فارقة خلانى وكل الدنيه
    والجيم جيبي غارقن من دموعى
    ولاضوانى الليل ارقد بجوعى
    اصبحت من عقب المعزه خضوعى
    لمر الذى نكد حياتى عليه
    والحاء حرمنى من لذيذ المنامى
    جسمى قضى ماباقى الا عظامى
    غيرو رايه ناقلين الكلامى
    بعد العرفه كبر راسه عليه
    والخاء خدمت الزين فى كل حاجه
    وشعلت من عقب الظلايم اسراجه
    وعدلة انا ممشاه بعد العواجه
    احسبه مخلص وثر له الف نيه
    والدا دروب الحب ماهى بعيبي
    والله لولا الميز لاشق جيبي
    لاشك اقول مدام هذا نصيبي
    ماينجزع من حكم رب البريه
    والذال ذللنى غريمى بقوه
    غصبن على والله ماهى بقوه
    يلى تعرف ابقيق فالقلب ضوه
    تكفون طفو النار يهل الحميه
    والراء رمانى فى بحور المشاكل
    ومرت على ايام لاشرب ولا كل
    والقلب ماطاوع كلام العواذل
    يقول مرضى غير جالى الثنيه
    والزاء زمان الظيم مافيه راحه
    مافيه من يعطيك كلمة صراحه
    حرفين صح وعشرة احرف ارجاحه
    يجيك فى نيه وله لف نيه
    والسين سدى مادرا عنه مخلوق
    اوزن كلامي كل ماقلت منطوق
    وسفرت سدى يم صطح القمر فوق
    محدن درابه غير رب البريه
    والشين شان الحال يقايد الريم
    ونت متعلم ماظن تحتاج تعليم
    يكفينى اللى شفت من هم والظيم
    هاذى جروحك فى ضميرى طريه
    والطاء طماط الخرج كنه اخدودك
    وليمون ابو زهيره يشابه نهودك
    ويماحلا لبس الذهب فى زنودك
    والعين فيها الخنجر الحضرميه
    والظاء ظنانى صاحبى فى الموده
    ونا اشهد ان الصبر قد وصل حده
    وامر الولى مايقدر احدن يرده
    الواحد المعبود جزل العطيه
    والعين عمية عين من فرقونا
    من عقب جمعانا سوا شتتونا
    وعقب المسره والهنا عذبونا
    حسبي عليهم كل صبح وعشيه
    والغين غامرة ب حياتى وفاديت
    ورخصت روحى فداك ياشمعة البيت
    ليتك قريب البارحه يوم ونيت
    امسح دموع العين وفرك بديه
    والفاء فريد الشان فيك ابتلانى
    وفى بحر حبك ياحبيبي رمانى
    ونا اشهد ان الله بعرفك دهانى
    تخطى على ثمن تشره عليه
    والقاف قارىء الخط يفهم معانى
    ويكتب جواب الخط راسن لراعى
    ورسلة مكتوبى ونا فى حراوى
    محسبك بالقرطاس تبخل عليه
    والكاف كانك ياظنينى تبينا
    تكرم ابقرطاس ورسل علينا
    وترك كلام العذل والحاسدينا
    طمن افوادن فيه تسعين كيه
    واللام لاتنسى ليالى السعاده
    انكان لك فينا غرامن وراده
    لاوهنى مكبرين الوساده
    حياتهم دايم حياتن شهيه
    والميم مرونى ولو فى الشهر يوم
    ينشرح صدر اللى مولع ومكتوم
    يمكن الى شفتك يجى عينى النوم
    لو ساعتن وحده ارقدها هنيه
    والنون نامت كل عينن براحه
    الا فؤادى زايدتن جراحه
    وماصدق من قال الهوى فيه راحه
    اكبر كذوبن خلق رب البريه
    والهاء هنى اللى ينامون بالليل
    ماجربو هم السهر والغرابيل
    ودموعهم ماغرقن المناديل
    وفى زادهم دايم اعزومن قويه
    والواء ونينى اشتكى منه جارى
    طاولتهم بالنوح ليلى ونهارى
    عقب الونين اشهق وكسر اعبارى
    خطرن على ازور حوض المنيه
    والياء يمين الشرع زبدة كلامى
    لنسى اللذى طاوع اعيال الحرامى
    لو تنمحى الجلده وتظهر اعظامى
    وتدرى الحضر والباديه بالقضيه



    اول نديم للهناء والسعاده ..واليوم نادمت الشقا والعنا زاد
    من عقب فرقا الي ملكني وداده ..اصبحت انا فبلاد والزين فبلاد
    صار السهر والنوح للعين عاده ..نصحت عيني من سهرها ولافاد
    تبكي ونوم الليل عافت رقاده ..وفي الليل نومي صار وقفات وقعاد
    والقلب به جرح قديم وزاده ..عشرين جرح صابت القلب واجداد
    سهم الهوى لامن رمى القلب صاده ..وراعي الهوى مشاكله مالها اعداد
    ماشفت انا احدن حب والحب فاده ..لاشك راعي الحب له غصب ينقاد
    من فارق الغالي وفارق مراده ..صارت حياته له غرابيل وانكاد
    يمشي سليم وعلته في فؤاده ..يخفي الالم والسر عن كل حساد
    راعي الهوى يمشي بعقل وركاده ..يخشى الملام وهرج عاذل ونقاد



    ( ب )


    بالله ياذا الغزال خذت الدلع والدلال الله عطاك الجمال .. واحكم على ماتريد
    جفن كحيل جميل ورموش عينه ضليل انا بعرضه قتيل.. واحكم على ماتريد
    شفت الخطر والممات بخدوده الصافيات وعيونه الساجعات.. واحكم على ماتريد
    ياجاهل بالهوى قلبي شكى وانكوى وان كان عندك دوى.. واحكم على ماتريد
    انا شكيت وبكيت وعقب النظر ماسليت وبرضا حبيبي رضيت.. واحكم على ماتريد
    يابو العيون الوساع ماأحلى سلم الوداع كان الحبيب استطاع.. واحكم على ماتريد
    الحب يرث جنون والناس مايفهمون كم واحد مغبون.. واحكم على ماتريد
    ليت الهوى له حكم يمضي لنا بالقلم كل يطوله سهم.. واحكم على ماتريد




    بالهون بالله ياأريش العين بالهون ..ارفق على قلبً تزايد لهيبه
    من حبك اسهر والخلايق ينامون ..ياصويحبي كثرت علي المصيبه
    يازين قلبي مغرم فيك مفتون ..عساك ياغض النهد من نصيبه
    قالو لي العذال تراك مجنون ..هذاك مغلينه هله وش تبي به
    قلت ان حصل بعطي هله لين يرضون ..مهما يزيدون الثمن بشتري به
    ياحيلة الله شغل الايام وشلون .. كم من لهيب شبته من حريقه
    والختم ابطلب من له الخلق يدعون ..يقرب حبيبن شوفته لي صعيبه



    بتحب من لايحبك ياعذاب قلبك .. قلب يحبك وقلب ماسأل عنك
    ماشفت في الناس مثلك ياقسى قلبك .. اعطف علينا بنظره خاف من ربك
    تحب فايت ونحنا عايشين جنبك .. وانا الذي قد زرعت الفل في دربك
    وراعي الود في بعدك وفي قربك .. لاكنك غدار ماتعرف قد حبك
    ولو تصافيني ثاني مش حرحبك .. وتحب من لايحبك ياعذاب قلبك






    بنات المدارس ليتني عندكم سواق ..امتع عيوني بالنظر دايم فيكم
    وامضي حياتي بينكم مايصير فراق ..وفي كل عام بالشهادات اهنيكم
    ولاابغى معاش ومقصدي ماطفت اشواق ..ونار بقلبي ولعتها اياديكم
    بنات المدارس هجركم مر ماينطاق ..ولاشك يالخلان خاب الامل فيكم
    انا من تبين الشمس الى تختفي الاشفاق ..بحال كسيف جعل ربي يجازيكم
    ومن عقبكم والجو متعكر ماراق ..والقلب يكفخ كل ماحل طاريكم
    دموعي على خدي وبقصى الحشى خفاق ..وعزي لقلب بالشوارع يباريكم
    انا لاطريتو لي تعذرت بالمشراق ..اسولف مع الشيبان من شان اوافيكم









    ( ت )


    ترى الموده شـف ماهـي غصيبـه .. وان كان تبغى الجـد يازيـن عفنـاك
    وان كان تدري تـرى اكبـر مصيبـه .. عنـدي سلامـك لاتوافيـت ويــاك
    احتـرم نفسـك والعـذر لاتجيـبـه .. ترى ابرك الساعـات يازيـن فرقـاك
    لاجلك على نفسـي رضيـت الغليبـه .. وابغضت اعز الناس ابحث عن ارضاك
    ترى دروب الحـب شـوك وصعيبـه ..وعسره على الجهال مثلك وشـرواك
    وتـرى طريـق الشـوك مايمشي بـه .. الا ان بغيت الموت عجـل ببمشـاك
    معذور من يهواك لـو شـق جيبـه .. امـا انـا مليـت شوفـك وجمعـاك
    وطلبـت رب الخلـق عـلام غيبـه .. يمكن تبيـع الربـع لامـن نسينـاك
    ولأكتب على بابـي عبـاره غريبـه .. واقول لـه لاتمنـع الضيـف لاجـاك
    ترى امـور الدهـر عوجـه عجيبـه .. امـا تميـل الدهـر مامنـه فـكـاك
    ترى الا من جـي الحبيـب وحبيبـه ...كلـن يقـول الحـمـدالله شفـنـاك





    تشوقلي خيزرانه بين جمع الصفوف .. ياليتها في يميني واتعصابها
    لاكن علينا السهيلي ماترده عيوف .. ودي بما يمنعه لو كان يفدابها
    حلفت ماحط مالي في حبوب شعير .. ياكود لي حنطه يكثر كيالها





    ( ج )




    جانا زريف الطول بشكله المقبول ومبسم حلو معسول..وعسى الله يخليه
    ماأقبل معه انسان فيه الجمال اللوان يارب يارحمن.. انك لنا تبقيه
    اسمه بحرف السين يذبح بلا سكين والكحل بالعينين ..رب السماء معطيه
    كله حلى واخلاق والقلب له خفاق ياليت منهو ذاق ..مبسمه والي فيه
    من يوم وافيته من القلب حبيته والقلب اهديته ..حر يتصرف فيه
    ان قلت له يازين لازم تجي ذالحين يقول خدامين ..وشلون ماأصافيه
    لاشفت انا نهده وصل الصبر حد نخلص وانا اوده ..وبالروح انا افديه
    والختم عهد الله طول العمر ماأنساه ولاأمشي على مرضاه ..وعسى الله يخليه





    جت منك ياللي توزن العقل والروح .. لاكن بسيطه منك ولاني من الناس
    ويابومحمد كل ماقلت مسموح .. واذا امرت امرك على العين والراس
    تخدمك عيني ياهوى البال والروح .. لو كان تسقيني الغرابيل في كأس
    ولو كان روحي من سبايبك بتروح .. تهون بأسبابك حياتي ولاباس
    ولو في الجفا ياناعم العود مصلوح .. والله لاعينك بس مافيه نوماس
    شافت عيوني في الهوى كم مملوح .. وبتشوف لاكنك ملك وهم حراس
    والختم ياعاذل وللحب مجروح .. نصيحتي لك تقول تراني ولد ناس




    جزى البارحه جفني عن النوم .. جزى من غرابيل الزماني
    وعذاب على العشاق مقسوم .. تولعت يوم الله بلاني
    وخليلي على التكيات مخدوم .. ولاهو من الطرز الجباني
    وياعاذلي بس اكفني اللوم .. حنين الجفا سد الأماني
    وسهرت امس مع قبل امس واليوم ..واشوف العشر تصفي ثماني
    ولزوم على افلان ملزوم .. وانا يوم طلبته ماعطاني






    ( ح )


    حاربت حلو النوم وزاد الاسى بهموم ..امر علي مقسوم من خالق الاكوان
    حبيت انا مخلوق من نظرتة فالسوق ..القلب عاقه عوق زادت به النيران
    الهم والهوجاس احدث بي الوسواس ..مالي هوى بالناس غيره من الخلان
    ان ماحصل وشلون ياربعنا تكفون ..ردو لي المضنون يرجع لي النقصان



    حسيبك زمانك يامتحديني بهجرك وانا احبك .. حسيبك زمانك
    مالي غنى عنك ملكت القلب في حبك وتهجرني ..حسيبك زمانك
    تسمع عداك ليه ياناسي الليالي والهنا .. حسيبك زمانك
    وقلي بقصدك ماتجيني قول ايش ذنبي .. حسيبك زمانك
    حاسب ضميرك واذكر الماضي وعدلي .. حسيبك زمانك
    تلاقي مصيرك يا معذبني وانا احبك .. حسيبك زمانك
    ومهما طال هجرك اسيبك للزمان وارضى بغلبك .. حسيبك زمانك
    باقي انا لك على عهدك واحبك .. حسيبك زمانك





    ( خ )



    خلصت من جملة الخلان .. احسن لي اعيش وحداني
    ماعاد اعاشر جميع انسان .. يكفي العذاب الذي جاني
    مادامه الي هويته خان .. اخشى اتورط معا ثاني
    هويت انا قايد الغزلان .. واهديت له قرة اعياني
    هويتكم والمقدر كان .. واليوم اشوفك تحداني
    حقيقه اني انا الغلطان .. وش لي بشخص تنساني
    عملت له طيب واحسان .. وبالهجر والغدر جازاني
    لابد ماأرجح الميزان .. واعطيه من حيث ماأعطاني






    ( د )


    دخلت العصر سوق القيصريه .. وشفت اللي على قلبي كواني
    غزال ناوي فيني بنيه .. نوى قتلي ومنه الله وقاني
    ربش عقلي بعد مااقبل عليه .. تعطف مثل عود الخيزراني
    زهمته التفت قلت الحذيه .. ولا قصر بعد روحي عطاني
    طلبته قلت ابي شربه هنيه .. عسل سلسال من صافي الثماني
    انا عطشان واخذ الأجر فيه .. وقال ابشر ومن ريقه سقاني
    وبعد مارويت قلت اسمح بجيه .. تجمل ياحلو شرف مكاني
    ترى روحي من اسبابك شقيه .. وعقب فرقاك نومي ماهنالي
    تواعدنا يجي عندي اضحويه .. وفالي بالوعد سيد الغواني




    دخلت سوق الذهب عصريه الاثنين ..لاعاده الله دخلة نكدت حالي
    علمي بنفسي يوم وقف بجنبي الزين ..بغيت اطلع من السوق لاشك ماجالي
    نظرني بعين كن في وسطها سيفين ..وربشني بخد ياعرب يشعل اشعالي
    سبتني نهود بالصدر مثل طلع التين ..وعود يميل مع الهوى كل مامالي
    بديت التحيه خايف وقال لي اهلين ..عسى لك طلب عندي واقضيه يالغالي
    قربت وسئلته ويش اسمك وانتا منين ..دبر وقال اصبر عسى الجو يصفالي
    تصبرت انا والقلب شبت به النارين ..وانا بشهد ان الحب ياناس قتالي
    مضى اربع دقايق وبعدها جاء كحيل ..العين وقال انت الى ذالحين واقف تحرالي
    جرى الدمع من عيني وقلت ارحم المسكين ..واعطف علي بالحب ياغاية امالي
    تكرم وعلمني اسمه وهو حرفين ..ترى له سمين عايش بالخلا الخالي




    دخلت سوق الذهب قصدي اشتري .. دبله هدية للحبيب الي على بالي
    الصاحب الي صدفني رايح قبله .. يمشي دلع والناس ويتمايل يابري حالي
    اقبل علي يتخطى ناشر القذله .. واشر بعينه يدور زود غربالي
    ابوجديل اشقر يوصل الى رجله .. يغذى بعنبر ومسك اصلي من الغالي
    والعين لاسلهم بها بانت الكحله .. والخد ياناس برق يشعل اشعالي
    لما نظرته طلبته طلبة سهله .. مزه من الريق لو كان الثمن غالي
    لفت عليه وقال البيع بالجمله .. سير علينا وتطلع خاطرك سالي
    قلت اوصف البيت قال البيت بالحله .. دايم على كل حزه جالس لحالي
    سالته البيت عادي قال لي فله .. مارية البيت فيوقه روشن عالي




    دروب الموده ياهلــي مــابــها منقــــــود .. ترا النار ماتحرق سوى رجل واطيها
    وانا لو جحدتك دموع عيني علي شهود .. ورجلي الى وقفت بان الخمل فيـــــهـــا
    وانا يوم طالعني الغضي بالعيون السود .. جرت دمعتي ولا تمكنت اخفــــــيهـــا
    بغيت اتكلم لكن في وسط حلقي عــــــود .. وبالغتره امسح دمعة العين واخفــــيها
    وفي ظرف ساعه انتبه لي نعيم العــــود .. وقال انت نفسك عاليه لاتوطيـهــــــــا
    وانا اشهد شاهدة حق مافي المحبه فــــود .. ولا واهني بالذي مامشى فيـــــهـــــــا
    مهوب مثلي لاهقى الحاسدين رقــــــــــود .. يجر الونين وكل نجمه يسريـــــهـــــا
    شريت ادويه من الصيدلــيه ولا من زود .. وجروح الهوى تعجز الدكاتر تداويها
    مضالي سنه وشهرين سهران انا والعـود .. واخفف عن النفس الحزينه بلاويهــــا


    ( ذ ) لا يوجد كلمات


    ( ر )


    راسي غدا يالسهيلي شيب .. وباشكي لك الحال بعد الله
    ياسعيد لو اني قريت الغيب .. ماصار هاللي حصل كله
    ابرسلك في طريق صعيب .. وانخاك من بد خلق الله
    توصل وصاتي ولابتغيب .. لصويحب قذلته فله
    ابونهود كما العنيب .. ابوزهيره على حله
    وقله ترى فلان لولا العيب .. ماصبر صبر على حله
    لاكن يبي الحل بالترتيب .. خل الجبل وانتحى السهله
    ياسعيد انا داري انك ذيب .. والصعب تقدر على حله
    والختم انا بنتظر ولا تغيب .. وان مت مايرحم الا الله



    ( س )


    ساعي البريد ارجوك هات الرساله .. اسمي وعنواني على الظرف مكتوب
    من يوم راحو حالتي خس حاله ..والنفس عافت كل زاد ومشروب
    غاب الحبيب الي ذبحني دلاله .. الصاحب الي عنه والله مااتوب
    لوخيروني قلت ماأبغى بداله ..ابوردوف لامشى تسحب الثوب
    هات الكتاب اقراه وكيف حاله .. اما انا كني من العقل مسلوب
    عجل بخط اللي نزل من السباله .. اللي عليه القلب هايم ومصيوب
    وان كان به مابيه فيا عزتاله .. لابد نصبر مثل ماصبر ايوب
    والختم زوله في العيون وخياله .. قدام عيني وفي اسفل القلب منشوب




    سلموا لي على اللي سم حالي فراقه .. حسبي الله على اللي حال بيني وبينه
    وعقب ماهو نديمي صار شوفه اشفاقه .. تل عرق الموده واقطعه في يمينه
    وقايد الريم تاخذني عليه الشفاقه .. ليتني طول عمري دبله في يمينه
    ولاذكرت الزمان اللي مضى والصداقه .. عود القلب يرجف مثل رجف المكينه




    ( ش )


    شال فستانه وجاني لابس ثوب النوم .. وكل خافي كان واضح حتى كلسونه الحمر
    قلت يامضنون عيني ياخلف كل السمر .. اشربي الكاس وعطيني من شفايفك الحمر
    صبت الوسكي وقالت صحه ياسيد البشر
    قلت تسمح ياحياتي ياقمر خمسه عشر .. اطفي اللنبه كفايه نور خدك ياقمر
    قال اعمل ماطرى لك ليتنا نجلس شهر .. قلت ابي في الكاس انا وياه وثالثنا الوتر
    قلت ابغى حاجه بسيطه فيها الجبر .. وسعوا السكه دقايق خمس ماهي من العمر
    قال انا كلي حلالك طول عمري والدهر .. دقت الساعه وأشر عندي امبير الخطر




    شكيت محد سمع شكواي .. بكيت محد رحم حالي
    الله يصبرني على بلواي .. ويالله عسى الجو يصفالي
    النار شبت بوسط احشاي .. من عقب ما فارق الغالي
    يا زين لا تسمع الحكاي .. نقالة القيل والقالي
    اهل الحسد يخلفون الراي .. ويالله عسى الجو يصفالي
    ان كان رغبتك في فرقاي .. كلً ولد ناس يالغالي
    وان غبت عني فانا رجواي .. في واحد في السماء عالي
    يهديك لي يلرغبتي ومناي .. ويبدل الهجر بوصالي
    يازين كثرت علي بلواي .. ويازين باموت عزالي


    ( ص )


    صبرت واشوف كثر الصبر مافاد .. الناس ترقد وانا عيني شقيه
    مافادني كثر صبري والتوجاد .. لاواهني المعافى واهنيه
    لاعاد يوم عرفتك فيه لاعاد .. لاعاده الله ياجالي الثنيه
    من يوم شفته وقلبي فيه وقاد .. امشي مع الناس والعله خفيه
    شوفه حرمني زين الشرب والزاد .. وقفت مابين شمس وبين فيه
    الله يجازيك يامركوز الأنهاد .. تدخل على القلب حد الحضرميه


    صبيان زايد وين حماية الدار..تكفون يالظفران ياأهل الحميه
    صبيان زايد ياأهل الجود والثار ..انتم من الي يحاربون الخطيه
    صبيان زايد لودريتو بما صار ..مامنكم الي بيتشره عليه
    والله يوصي يالدواسر على الجار ..وانا بينكم وشلون يخفى عليه
    ولولاغلاكم عندي كبار وصغار ..والله فلا ارضى بالهزيمه عليه
    ترى لكم بالقلب حشمه ومقدار ..من منكم يطفي بقلبي ضويه
    لوكان خصمي بالسماء بانين دار ..والله فلا انسى من تعدى عليه



    صدفه بلا ميعاد ربي جمعنا ..انا وابوناصر وخلً على الدين
    ماهوب جاهل باخص فكل معنا ..ممشاه بوصول ويراعي القوانين
    من عطف انا وياه محدن بمعنا ..الا السهيلي جعل جنسه كثيرين
    ياليت منهو قال لامرك خضعنا ..وماتطلبه حاضر على الراس والعين
    في يوم تشاكينا ولااحدن سمعنا ..كم ساعة عنا هل العذل لاهين
    سود الليالي المظلمه فزعتنا ..كم لي عذول طامعن فيه اثنين
    شافت عيونك مابه احدن نفعنا ..وهو السبب بفراقنا من زمانين
    انا وانت في بحر الموده طبعنا ..شفنا الشقا من عقب ماأحنا سعيدين
    ومابقى داب بالبحر مالسعنا ..لاكن بعون الله حنا متعافين
    سطح القمر لوله طرق طلعنا ..ارتاح وانتي ياحياتي تريحين
    ماغير انا وياك والعود معنا ..مابه صدود ومايزيل التفانين



    ( ض ) لا يوجد كلمات


    ( ط )

    طاوع بي الحاسدين وسلط علي الشامتين ..ونكر معرفه سنين مابيننا بالغرام
    الله غفور رحيم وانا بحبك غشيم ..اتعبت قلب سليم وماعندي الا الكلام
    حرام بعد الوفاء تسلك طريق الجفاء ..وتنسى ليالي الصفى ولاتداري الملام
    وان كنت مخطي اكيد افعل على ماتريد ..وبالهجر عذب وزيد وخلاص مسك الختام
    مرت علي سنين مابين شوق وحنين ..والقلب مغرم حزين يحرم علي الطعام
    من غير ذنب وسبب ولع بقلبي لهب ..ولله منه العجب معاه اداري السلام



    ( ظ ) لا يوجد كلمات

    ( ع )

    عزي لقلب شكى من جور مضنونه .. حاله بدى فيه من الهجران سلالي
    وياسعد عيني الى من شافت عيونه ..وياكبر حظي الى جا الصاحب الغالي
    والي ذبحني ابوحجان مقرونه .. انا اشهد انه توثم بي على الخالي
    طاع العواذل وناس مايسرونه ..الله حسيبي على اهل القيل والقالي
    وتكفون ياأهل الشيم ودي تعرفونه ..ردو سلامي وقولوا خلصت حالي
    وتفقدو صحته بالله وشلونه ..عساه في نعمه وعساه متشالي
    وان ماعطاكم جواب لاتغصبونه ..ابغى جواب الغضي من خاطر سالي
    والي عليكم كتابي له تودونه ..والصبر زين على مادبر الوالي




    عزي لمن حب العذارى طونه .. متولع قلبي بهن ولعوني
    من لامني بحبهن يجرحنه ..ويعذبنه مثل ماعذبوني
    يسهر طوال الليل ويجر ونه ..ونه عليل خافي به طعوني
    يشوف بعيونه ولايرحمنه ..ويعذبنه داعجات العيوني
    والجاهل الي مابعد ليعنه ..ماليعنه مثل ماليعوني
    لاقلت ريح خاطري اشغلنه ..ثم صادفت ذكرى تهيض شجوني
    صوابهن في ضامري علقنه ..بين الضلوع مشقيات عيوني
    جرح المحبه بين لوبكنه ..لاجيت اكنه ياعرب ذكروني



    عقب الموده والغلى شفت الانكار .. وفرقا الحبيب اللي توده مصيبه
    وش حيــــلتك باللي توده الى بار .. وعقب الموده بان لك منه ريبه
    اقفى وانا مما جرى منه محتـــار .. زعلان مني والزعل وش يجيبه
    فيما مضى يوصل ويعرض للاخطار .. يوصل ولو ان المسافه شعيبه
    واليوم اشوفه بدل اليسر بأعســار .. وعز الله ان لي منه قصه غريبه
    نسى غـــلاه ودارت الفلك واندار .. ونسى جروح بالموده رطيبــــه
    ويتــــرك علوم خفيات واكبـــار .. ومن بعدها ما يبرد الا لهيبـــه
    الله وكبر كيف يرضـــى بما صار .. يلوع قلبي بالجفا الله حسيبــــه
    ارجي من الله تدابيــر واقـــــدار .. ما صابني من هول حبه يصيبه
    حتى يعرف ان المحبه لها كار .. وان كارها بين الحبايـــب صعيبـــه
    وباصبر على غدر الليالي ولأكدار .. ولابد عثـــرات الليالي تجيبـــه


    على ذكر اللقاء مريت اسلم ..بذاك السوق الذي فيه التقينا
    اطمن قلبي الي فيك مغرم ..بذاك الحي ياقاسي علينا
    لعل القاك واشكي لك ..وترحم مدام الله بحبك مبتلينا
    ولو ماحل بي بالصخر الابكم ..من الامي وتعذيبي يلينا
    دخيلك رق لي انا متيم ..عسى ربك على ظلمك يعينا
    انا قتلي بلاذنب محرم ..ومن مضنون عيني كم شكينا
    دخيل الله ياغالي تكلم ..ترى لولا غلاكم ماعنينا
    الا ياعزوتي حين تبسم ..انا اهواك وانتا ماتبينا
    اخاف اموت بسبابك وتندم ..تقول امرُ مضى وش في يدينا
    عسى تسلم عيونك لي ويسلم ..شبابك يابعد منهو هوينا


    عند باب المدرسه شفت الغزال لابس ازرق وتفصاله شوال
    قلت ياغض النهد بالله تعال قال لي ارجوك انا توي صغير
    قلت له والله يابدر التمام ماطرت لي نية فيها ملام
    مقصدي وياك ياصغير كلام رع ساعه ياحبيبي بالكثير
    قال ابشر بس احلف لي يمين ماأحد يدري بنم العالمين
    لأن هذا الوقت ماتلقا امين ومن حلف بالله لازم يستخير
    قلت عهد الله اني ماأخون لو اذوق بسبتك كاس المهون
    وماأذيع بسرنا مهما يكون وماأحدن يدري صغير او كبير
    قال طيب وين تبغانا نروح قلت يم البيت حتى ابري الجروح
    ولادخلت البيت ان ترقا السطوح وخف رجلك بالمشي وخلك حريص
    قال اخشى من هلك يطلع احد وينكشف امري وامرك بالبلد
    ويفرحو بالي جرى اهل الحسد والفضيحه امرها امر عسير
    قلت ياغاية مرادي لاتخاف لادخلت البيت والله ماتشاف
    كلها ساعه ماهي بحج وطواف بنقضيها على اهون مايصير
    رحت قدامه وسهلت الطريق وقلت لهلي اليوم انا عازم صديق
    لااحدن منكم يوقف بالطريق وافرشو بالدرب للزاير حرير
    جاء وطق الباب وبالغرفه رقيت ومن شفايف صافي الوجنه رويت
    وعقب ذيك البهذله صح اهتنيت وبغى فؤادي من الفرحه يطير
    قلت له اهلآ وسهلآ والمهم نبي نقضي الوقت في ضم لم
    فرصتي حانت وابغى اغتنم منك لحظه ياحلو فوق السرير
    قال انا بالأمر وافعل ماتريد بالنهود اللعب وبا البوسه تزيد
    وبفصخ الفستان اذا كانك تريد افضل قميص النوم من شانك قصير
    فصخ الفستان وبانت لي النهود كنها تفاح شامي او تزود
    جنسها معدوم من كل الوجود عين قتاله وحاجب مستدير
    تحت شرشفنا دخلنا بالظلام وورده الناضج قطفته بأاحترام
    لأن ذا سير البلد يبغى نظام اما بالخليان لو تبغى تسير




    عيني الي الدمع مثل المطر .. نامو الناس ياعيني وقلبي حزين
    كل ماشفيت انا للنوم زاد السهر .. صابك الحب ياعيني ولاتقنعين
    قالت العين يامسكين مالك مفر .. كيف بنسى حبيبي غايه العاشقين
    نابي الردف مربوع وهايف خصر..في عيونه سواد يذبح العاشقين
    اسم اللون حبه تل قلبي عسر..عقب ماشد قلبي تلني تلتين
    لاذكرته غذى فنجال قلبي كسر .. مثل ماينكسر بالقاع فنجال صين
    ياأهل الحب ويش الطب هاتو خبر..قبل روحي تورح وكل شي يهين
    ياحبيبي تراك اهويت بي للخطر .. امش لي مثل مايمشون ذا المسلمين
    اشهد ان زرع قلبي يبس عقب الثمر .. يالله انك عويني يوم مالي عوين




    عيني يالي تهل الدمع وسط النظير ..كل ليله عيوني دايم ساهرات
    من هنوف خطرها للهواوي خطير.. ناطحتني تمشى مثل مشي المهات
    ناطحتني نهار العيد بثنا المسير ..مع بناتً نهار العيد متجملات
    شفت سود الجدايل فوق ثوب الحرير.. عذبت بالوصايف ناكلات البنات
    صوبتني بشوفتها صواب خطير ..واهني من يرافق مثلها بالحيات
    واهني من مشى بمره بحسن المسير ..اشهد انه حظيظ بكل نوع الجهات
    عودها عود موز ناعم بالمحير ..وسط بستان اخضر مثمر بالنبات



    عيني يالي من الفرقا عليها خطر ..حاربت نومها كنه عليها حرام
    قد نسيت الهوى مالي بدربه خبر ..قد نسيت الهوى لي عنه تقريب عام
    ماذكرني وليفً نهب قلبي غدر ..جدد جروحي وهيض علي الغرام
    قلت ابسلاه وادله ماقدرت الصبر ..كيف ابصبر عن الي له بقلبي مقام
    عشت انا به ليالي في حلات العمر..مادخل بيننا حاسد وناقل كلام
    لكن انه تكبر صار ينوي الهجر..اجبروه العواذل مايرد السلام
    وهقوتي ياعشيري لو وصلت ..القمرماتحصل عشير مخلص بالتمام
    ارحموني ترى حالي طواه السهر.. من سببكم نحل جسمي وبان العظام


    ( غ )


    غاب القمر وانهى السمر والانس غاب حب انعمر كيف اندمر واصبح خراب
    من يوم غاب البدر في وسط السحاب
    غاب الحبيب وغاب فرحي والسرورواقفت ليالي الانس واظلم كل نور
    واستسلمت روحي لأيام العذاب
    من عقب مافارقت محبوب حبيب زادت بي اللوعه وزاد بي اللهيب
    والقلب من فرقا حبيب الروح ذاب
    ليت الليالي تعيد لي وقت مضى بعد الزعل والانس نرجع للرضا
    هذا الذي برجيه واحسب له حساب
    انا سبب روحي وانا المخطي صحيح وابعترف بالذنب للخل المليح
    ننهي الخلاف وينتهي كل العتاب
    بكتب له رساله وابهديه السلام وازكى التحيه واعترفي بالتمام
    وابرسل المكتوب وانتظر الجواب
    حقه علي برضيه واعترف بخطاي وانا بعد لي حق يمشي في رضاي
    ولانضيع فرصة ايام الشباب



    غرك بنجمه ليه مالبسك تاج .. من عقب قصر ايديك صارت طويله
    لبست نجمه وتحسب الناس حجاج .. وعقلك يخيل لك تطوف قبيله
    من طق تالي الليل ماهوب محتاج .. ولو جحد مقصوده يبرد غليله
    مايمنع المقهور قفل ومزلاج .. وماخبر دين ضاع دونه قبيله
    ومادمت تدري مامن القبر منهاج .. انا ابيك لو دونك سيوف ثقيله
    والله ياكهربكم ان يصبح سراج .. وعقب النجفوالله ان تولع فتيله
    والله ان تطيح بضيق مامنه مخراج .. والله ماتطلع باية وسيله



    غض النهد مرني في وارد السبعين ..واشر بعينه يخاف اهله يشوفونه
    وقفت حيران ودموعي على الخدين ..انادي الي سهوم الموت بعيونه
    تركني واقف امسح دموع العين ..الله حسيبي على الي حال من دونه
    يالي تسوق الشفر ماترحم المسكين ..قلبه تعلق معاكم لاتخلونه
    ترا بسبايب غزال ركب اسطبين ..خايف من اهله وقلبي خطرى يتلونه


    ( ف )


    في شارع الخزان قابلت لي انسان ..فيه الحلى الوان سبحان من صور
    عينه الى سلهم تجلي الكدر والهم ..اما الوسط والمبسم الله عليه اكبر
    وردوف لامن قام من ثقلها تنظام ..ماكن فيها عظام من شافها كبر
    اما النهود صغار والخد ياستار ..ياليتني له جار من اليوم لين اقبر
    انتبه لدموعي وهدا الحلو روعي ..قال ليه مفجوعي المبتلي يصبر
    قلت ارحم المحزون الي بكم مفتون ..اصبح كما المجنون وعلى الصبر مايقدر
    قال احترم نفسك لايرتفع حسك ..مانيب من جنسك وجلست اتعبر
    قلت الهوى فضاح يذبح بغير سلاح ..شفتك وسدي باح وعلى الصبر ماأقدر
    عاهدني غض العود بالوصل ليا ..يجود الساعه سته وزود من الليل ولاقصر


    ( ق )


    قابلت انا الزين في شارع عسير .. صدفه لقيته وانا في الدرب أسير
    زهم علي باسمي وقلـت خيـر .. قربت يمه وسلـم لـي اليميـن
    حطيـت كفـي بكفـه وابتهـر .. من بعد مادار في العين النظـر
    قلت السموحه تراني في خطـر ..وصفق براحة يمينه في الجبين
    اقفت وانا واقف فوق الرصيـف .. لابس طبيعي من النوع الخفيف
    صوتّ للزين ودموعـي تزيـد .. بالله ماترحـم القلـب العفيـف
    لحقتهـا وقلـت بالله اوقـفـي .. خافي من الله حياتي واعطفـي
    حنّي على من قتلتي وانصفـي .. انـا دخيلـك تعالـي موقفـي
    قالت لي أبعد قبل يشوفنا احـد .. ان كان تسمـع كلامـي ياولـد
    ترى القرايب واهلي فـي البلـد .. لااحد يشوفنـا وحنّـا واقفيـن
    قلت اسقني من ثمان مرهفـات .. باشرب من الريق وامز الشفـات
    خلها تبقى ذكـرة فـي الحيـاه .. والسر بينـي وبينـك مايبيـن
    بشويش قالـت كفايـه لاتزيـد .. عرفت قصدك وكل اللـي تريـد
    لاشـك كثـر التمنـي مايفيـد .. ولايـداوي جـروح العاشقيـن
    قالت حبيبي بنا طـال الوقـوف .. اسمح لي اروح يم اهلي واشوف
    قلت اتكلنا على الله ياهنـووف .. وانا ابداريـك حتـى توصليـن


    قال الجميح بحب البيض سهرت عيوني .. مافي الغرام امتناع
    وان مت يااهل الهوى بين النهود ادفنوني .. لاتدفنوني بقاع
    الله يجازي اللذي هم بالهوى ولعوني .. من يوم ثوبي ذراع
    جاهل بدرب الهوى هم الذي علموني .. والحب يبغى شجاع
    اربع ليال سوى والخامسه اوحشوني .. شريت حبه وباع
    والناس ماهم سوى والبعض مايرحموني .. حتى بيوم الوداع
    باموت يااهل الهوى دخيلكم اسعفوني .. الا ان حصل لي اجتماع





    قالو علامك يالجنوبي توسوس .. حالك نحيل وكثرة الشعر زاده
    اذا تطيع الشور عزم واعرس .. قلت اتركوني مالي بالعرس اراده
    انا بغناة الله ولانيب مفلس .. لاشك كل واحد يدور مراده
    اذا بغيتو للمعزه مع الانس ..وتبغوني اعيش عيشة سعاده
    جيبو لي الي في عذابي تجنس ..الي شواني مثل شوي الجراده
    ابوجديل يرفعه يوم يجلس ..ولاجاء ينام يصفطه له وساده
    والعين لاسلهم بها قلت ينعس ..عنده على زين المعاني شهاده
    بعطي هله عشره ومعاضد ونقلس..وحاضر اذا يبغون زياده
    لاكن هله وياي شينين الانفس ..ماخذين للأعذار والكذب عاده
    لاجيت اكلمهم يقولون ادرس ..وان طاولت الاعذار مافيه افاده



    قالو لي طيب قلت مانيب طيب .. اطيب وجرحي بين الاضلاع ماطاب
    يطيب جرحي لوحبيبي قريب ..ومقابلين البيت والباب بالباب
    روحي فدى الي ساكنين الشعيب.. الي عليهم دمع الاعيان سكاب
    افرح الى شفته والى غاب اغيب ..عزي لحالي من هوى عذب الانياب
    قالو لي العذال ادله وسيب ..عنك المحبه لاتفتح لك ابواب
    ماأقول ابسمع هرجهم في الحبيب ..وان قلت ابسمعهم فاأنا اصبحت كذاب
    اول على العشاق اضحك واعيب ..واليوم قلبي من هوى صويحبي ذاب
    يارب يالله طالبك لاتخيب ..رجاي يامولاي في اعز الاصحاب




    قالوا هلي لك خمسة ايام زعلان .. تونس مرض قلت المرض تجهلونه
    أونس بداخل مهجة القلب نيران .. واسبابي اللي يوم جاء تطردونه
    قالوا ترى عقلك بدا فيه نقصان .. بنعالجك قلت إعملوا ما تبونه
    جابو إسعاف وقالوا ودوه ظهران .. يمكن مستشفى آرامكو يعالجونه
    جاني الطبيب وقال وشفيك يافلان .. قلت إنشد اللي مقصدي يفهمونه
    قال لهلي معالجي فيه خسران .. ما ظن أطباء المملكة ينفعونه
    باين عليه إنه مولع وحيران .. والحب بلوى للذي يفهمونه
    قلت أشهدن قلبي يادكتور وجعان .. ودواي أعرف الشوق داعج عيونه
    قال إن كلامه حق ماهوب غلطان .. هاتو وليفه إن كان بتساعدونه





    قبل امس وسط السوق وافيت لي مخلوق ..مشيه هدو برفوق اعجبني في ممشاه
    قربت بسلم على ناعم المبسم ..ومن دون مايعلم قلت السلام لله
    اشر لي بعيونه خايف يشوفونه ..ناس يماشونه وعرفت انا معناه
    قربت ولزيته لولا الخوف حبيته ..وبشويش ناديته وابعدت انا وياه
    قلت الفؤاد يهواك خف من الذي سواك ..ابغى اختصر وياك ساعه لأجل الله
    قال اشتبي مني اسرع وعلمني ..اخوي يزهمني بروح انا وياه
    قلت انت من جدك والله ماأهدك ..وكل الذي عندك هاته ولاتنساه
    قال المسئله قوه قلت الي تبي سوه ..بس امش بمروه ترى العمر عفناه
    قال وين بيتك فيه من شان نجلس فيه قلت امش اوريكي تكسي يوصلنا
    وسط الطراديه في حارة حيه ..اهلها زكرتيه نمام ماتلقاه
    ركبنا في سبعين انا ونور العين ..وصلنا مرتاحين والباب صكيناه
    وساعة دخل للبيت من مبسمه مزيت وساعة كشف اغشيت بسم الله ماشالله
    طحنا بغير شعور شعره علي منثور ..وقلبت انا المستور برغبته ورضاه
    هو بقميص النوم وغيره بغير هدوم ..وبالحجره اخذنا النوم غصبن مهوب برضاه
    وبالصبح وادعني وبالهم شاركني ..ودبلته لبسني فاصخها من يسراه




    قضيت من درب الهوى خاطري طاب ..صكيت باب الحب يامودماني
    حبك علينا هل واحدث لي اسباب ..والي حصل لي منك شي كفاني
    انا عزيز النفس مالي والانشاب ..بجفى بخيل الحب لو ماجفاني
    اول حبيب ذا واغلى كل الاحباب ..واليوم تفتكرني يوم قلت فاني
    حبيت غلطه وانت بالحب كذاب ..وخنت الامانه يوم ربي بلاني
    من خان مثلك للهوى قيل نصاب ..حرام قلبي يرحمك يوم ثاني
    اقفى شبابي منك وانا بعد شاب ..شفت العزاري كلها والهواني
    نسيت ماضينا وعرفناك لعاب ..قصدك عذاب الي نويته وجاني
    رح للذي غروك نجمك معي غاب ..والله ماأذكر واحد قد نساني
    غيرك ملى عيني وياكثر الاصحاب ..لاأخترت واحد زارني في مكاني



    قلت هين وكل هوين صار كايد..ومن وقع في الهوى واخطأ ضيع دليله
    اصفق الكف من عقب الرخى بالشدايد..واتجلد من فراقه وروحي عليله
    الهوى سمني والحب كله نكايد..والمسافه على من دش بحر طويله
    فيه موت وحيات وفيه مفلس وصايد..وفيه جنة نعيم ومن صفاله خليله
    من تفارقت انا وياه والهم زايد ..ياهلي شالعمل والراي كيف الوسيله
    ليت منهو يشوف خفيف الدم عايد ..كود قلبي بعد هجره يهون غليله
    ماخبرت ان جفن العين في الليل نايد..ودمع عيني على خدي تزايد هميله



    ( ك )



    كذاب ياصاحبي كذاب ..كل الحقيقه عرفناهــا
    خنت العهد والأمل بك خــاب..بإسرارك اللى كشفناها
    اول على الصدق حنا احباب ..ومعك المروه فقدناها
    بالعـــــــين شفناك يالعاب..والكتب جات وقـــــريناها
    واليـــــوم بالك تطق الباب..صــــورتك والله حرقناها
    اســـــراركم عندنا بكتاب..مـــــــع الليالي درسناها
    خـــلاص يازين قلبي تاب..ايام حبـــــــك نسيناها



    كفاني ماجرى لي يااسمراني ..من الهجران وجروحي خفيه
    شغلت البال عن قاصي وداني ..وانتا اشوفك ولالي مقدريه
    وترى ظلمك على قبري حداني ..سؤالي هل حصل مني خطيه؟؟
    ومنك الرفق ياسيد الحساني ..وداو الروح دام الروح حيه
    ولو انه دهاك الي دهاني ..حشى ترتاح وعيوني شقيه
    كثير مثلكم عاهد وخاني ..وكل العذر غلطه مطبعيه
    هجرت النوم ياصافي الثماني ..وفارقت القرايب والدنيه
    ويمين الله لاانسى من نساني ..واعاشر منهم بالصدق ليه



    كل ماقلت ان جرح القلب طاب ..انبعث من كثر شوقي والحنين
    مالذي خلاك من وصلي تهاب ..ماأقسى قلبك عليا ماتلين
    عقب ذاك الود ياحالي المذاب ..نسيت الي جرى طول السنين
    ماأنت يالغالي على قتلي مثاب ..وليش دايم تاركني حزين
    شفت من حبك لواهيب العذاب ..والمدامع حدرت من كل عين
    كنها الغمه فب مقدم سحاب ..فوق خدي كل ساعه وكل حين
    عيفتني الزاد مع حلو الشراب .. ماأعضمه ذنبك من بين المسلمين
    كن في وسط الحشى يركز حراب .. من فراقك زادني ظلم السنين



    كلن بعيده تهنى وانشرح باله .. وانا تعيدت ياهل الغي باحزاني
    وش حالتي في ضحي العيد من حاله .. يوم الحبيب نقض عهده وخلاني
    خلى دموعي على الخدين سياله .. وماعاد ضني بعين اللطف يرعاني
    مسكين قلبي على المحبوب عزاله .. هافت غصونه وصار القلب وجعاني
    بسباب خل جميع الخلق تفداله .. من جملة البيض من حضر وبدواني
    المال والروح تفدى صاحبي لحاله ..حق عليه رضا مدعوج الاعياني
    ابونهود زهت من دون حماله .. والشاهد الله على ماقلت ياخواني
    وصلاة ربي عدد ماهل مخياله ..على النبي الهاشمي من نسل عدناني



    كم واحدً يازين عندي حكى فيك ..واكذبه لاشك بانت خفاياك
    اكذبه يوم توني جاهل فيك ..اما اليوم بانت لي خبايث نواياك
    انا من اول يالغضي طامع فيك ..وارخصتني واليوم ببلاش بعناك
    الله يهنينا وعسى الله يهنيك ..تلقا من اشكالك ومثلك وشرواك
    بعد الخيانه انتهت رغبتي فيك ..وان كنت تذكرنا ترانا نسيناك
    يشهد علي الله لاحل طاريك ..يروغ قلبي لاكن اذكر سواياك
    يوم انت تغليني وانا مثلك اغليك ..وعقب الخطا شمنا وتبنا وعفناك
    رح للذي عن درب الاخلاص يغويك ..جرب بدالي ثم فكر بدنياك
    والختم اتحداك ولاعاد ابغيك ..يكفي العذاب ويكفي الهم وياك


    ( ل )


    لاباربك خل توده وتغليه... .اصبر ولابد الليالي تجيبه
    خله على فاله زمانه يربيه .. ..وش عاد لو فرقاه اكبر مصيبه
    بالك اللي منك صدفته تحاكيه. ..عده من من اقصي الناس يظهر بعيبه
    لاتطرد المقفي ولا تفتكر فيه.. .تري الهوى والحب ماهو غصيبه


    لابتي عزوتي يالاد زايد ..ياهل الفعل في اليوم الشديد
    انتم الذخر لاأيامي الشدايد ..يوم كلن بربعه يستجير
    جيت في داركم قصدي اعايد ..وصوب القلب ملهوف الضمير
    طحت عقبه طريح للوسايد ..وماأفتكر في المولع وش يصير
    باتصبر ولا بالصبر فايد ..كيف اصبر وانا حالي خطير
    بعد ماشفت من لابس القلايد ..قام جسمي وراسي يستدير
    قلت له بسئلك وابغى الوكايد ..انت من اي ديره ياغرير
    قال انا الي على بالي رصايد ..وماأقدر اجيك لوقلبك يطير
    قلت ابزهم هل الوادي الاجايد ..صلب جدي صغير مع كبير
    ياخذو الحق لو ماكنت رايد ..غصب عنك ولوتوك صغير



    لاتجرحيني جرحك العام ماطاب ..داوي جروح العام ثم اجرحيني
    ياغايتي ومناي انا منك منصاب ..ماتكسبين الاجر وتعالجيني
    عسى الذي اغواك ياسيد الاصحاب ..يقضي حياته بين هم وونيني
    زولك على بالي من العام ماغاب ..وليتك تكرم في منامي تجيني
    ويانور عيني كل شي له اسباب ..ماتبدي اسباب الجفا ياضنيني
    عود علي قلبي من مفارقك تاب ..لاتسمع العذال والحاسديني
    شيبت فيني وانا توي بعد شاب ..وين العهود ووين هاك السنيني
    نسيت عشرتنا على شان كذاب ..ونسيت ايام مضت ياضنيني
    ويابومحمد خاطري منك ماطاب ..وياويلك من الله توثمت فيني



    لو البكى عالج من الناس وجعان ..قضيت وقتي ماتوقف دموعي
    كلن نهار العيد سالي وفرحان ..وانا حزين طافيتن شموعي
    الناس تلبس ماغلت فيه الاثمان ..وانا من الفرقى تصافق ضلوعي
    ليت المفارق ياهوى البال ماكان ..ولافقدتك ياحسين الطبوعي
    يابونهيد بالصدر مابعد بان ..والعين تذبح من نظرها طموعي
    ومبيسم كن القمر فيه سكان ..وردف يتل القلب غصب وطوعي
    والخد وردن طالعن وسط بستان ..لامن تمايل غصنها بالطلوعي
    لولا الرجاء ماعشت انا يوم يافلان.. لاشك مامن امر ربي جزوعي
    الفطر راح ودمعتي فوق الاوجان ..يمضي علي اليوم كنه اسبوعي
    وعيد الضحيه ياخلف كل انسان ..ارجوك لاتبطي علي بالرجوعي
    تراي في حبك وحيد وغرقان ..وبقصى بحر حبك تصعب طلوعي



    ليل العنى ماأمسيت والمسلمين رقود ..حسبي على من كان هذا من اسبابه
    الا يامحمد جعل عصر الغضي مايعود ..وترى ان حل بي امرن فالاسمر من اسبابه
    تراني بخير لين وقف نعيم العود ..ضربني برمح واوسع الحد بضرابه
    هلكني وغربلني ولا لي عليه شهود ..وجرى الدمع من عيني ولاقلت انا جابه
    تردى نصيبي والسبب حظي المقرود ..ولا لعن ابوحظ عجز عنه ماجابه
    والله لولا الناس وادراي المنقود ..لااشق ثوب الستر ثم اتلوى به
    ويالله يالمطلوب يامنشي الرعود ..وياموصلن حجاج بيته الى بابه
    وياخالق من البيض والخضر سمر وسود ..ياموصل العبد ماكان يرجابه
    الاواعذابي صار قلبي براه العود ..من الي تجر الميز وياويل من صابه
    انا برفع الشكوى ولا لي عليه شهود ..وياناشدي في الي عن الهجر واسبابه



    ليه ذاك الوفا يانور عيني تغير ..ليه بدلت عطفك بالجفا والخيانه
    ليه ماترحم الي من فراقك تحسر ..ليه طاوعت عذالي وخنت الامانه
    كل ماقلت زرنا مستلمني بمقدر ..وقلبك الطيب اصبح خالي من حنانه
    لاتحاول تخفي ماجرى وانت اخبر ..انا كنت اكذب ولاكن علمتني فلانه
    كان قصدك تعاشر غيرنا لاتستر .. والله اني ارخص الغالي ولاارضا الاهانه
    شف هل الحب واجد رح وطب وتخير ..بس قلب نهبته رجعه في مكانه


    ليه يانور عيني كـل هـذا الصـدود .. وين ذاك العهد يابو العيون الوسـاع
    غبت عن ناظري لك تسعه اشهر وزود ..غبت والقلب من بعدك وعيني صـراع
    ماحسب انك بتنسى كل ذيـك العهـود ..يوم ممشاك لي ياقـرة العيـن بـاع
    قبل يزيـن ماتسمـع كـلام الحسـود .. وقبل يسقيك كاسات الجفى والمنـاع
    ياعديم الوصايف كل مافـي الوجـود ..كان تلطف بروحي يوم حل الوداع
    ياسمراللون صبري قد تعدى الحـدود ..لاتأخـر علـي يازيـن بالأجتـمـاع
    والله اني على عهدك وعندي شهـود ..ماعترض رغبتك يازين وامرك مطاع
    والمثل قال بشر من يصيـد الفهـود ..مثل ماصادهم ينصاد لو هـو شجـاع



    ( م )

    ماتخافون ماترجون ماترحموني .. ماتخافون من والي السماء ياعبيده
    ارحمو ارحموا تكفون لاتقتلوني .. ارحموني مادام الحال فيها شريده
    من سببكم بكيت وهل مافي عيوني .. وان رحمتوا فهذا الحق واللي نريده
    حسبي الله عليهم عودوا واشفقوني .. واثر هذا عذابي اللي من الله مريده
    ساعه اقفوا مشيت وقلت معكم خذوني .. خادم في هواكم خدمه العبد سيده



    مريت عصريه وسط الطراديه ..صادفت قمريه تمشي وتبرالي
    وجهه قمر صافي ومجدل وافي ..والخشم ياكافي كالسيف قتالي
    صوت له ياأسمر وش دعوى تتكبر ..لفت علي واشر قال الحوي خالي
    قلت له اخاف اهلك يغضب علي لجلك ..قالي ماهو شغلك امشي ولاتبالي
    دخل ودخلني وبالقرب جلسني ..والكاس ناولني شاهي من الحال
    شرب واسقاني وجابالي الثاني ..كل ذا علشاني خف ياهوى بالي
    شربت من يده وامسيت انا عنده ..راسي على زنده واصبحت متشالي
    لما توادعنا سالت مدامعنا ..يارب تجمعنا بالصاحب الغالي



    مسكين راعي الحب محدن يسره ..لامن بكى ولا شكى ماله انصار
    ياما شكيت وزاد في القلب حره ..وياما سهرت وهلت العين بعبار
    وانا اشهد ان الحب كله مضره.. وراعي الهوى دايم معرض للأخطار
    جربت انا حلوه وجربت مره ..له لذة وحده ولوعاته امرار
    قلبي بعض الاوقات بيفر فره ..ولولا ضلوعي كان من مهجتي طار
    للصاحب الي عشرته لي مضره ..لاهوب لاخاين ولاهوب غدار
    بيام وصله شفت كل المسره ..واليوم من فرقاه كني على نار
    غاب الحبيب الي بروحي مقره ..في الروح له مسكن وبالقلب له دار
    من شاف له قدً وخدً وغره ..يدهش من اول نظرة له ويحتار
    من يوصل المكتوب لله دره ..مني لمحبوبي ويرجع بالاخبار



    مسكيـن لاتغتـر غيـرك لقينـا .. خـل ينسينـا عذابـك ونهـواه
    لاتنتظر منـا الرجـوع أنتهينـا .. كم واحدا قبلـك تكبـر وعفنـاه
    يوم انت صافي في الهوى ماجفينا .. انت الوحيد الـي فـؤادي تـولاه
    ومادامكـم بعتـو هواناسليـنـا .. والشاهد الي تسجد الخلق نرضاه
    ماعاد يمديـك التخفـي درينـا.. وألي كتبته سـر جهـرا قرينـاه
    اهدى لك الدبلـه فـلان ودرينـا .. والجاهل الي وصل الخط شفنـاه
    اللـف والـدوران منـه انتهينـا .. والقلب من حبك بتايـد غسلنـاه


    مسموح في زلتك ياقرة العين ..مادام ذي غلطتك حنا عذرناك
    ماهيب عاده لكم ياكامل الزين ..خلف المواعيد اول ماعرفناك
    اوعدتني بالصور في يوم الاثنين ..وابطيت ياصاحبي ماجت هداياك
    حتى كتاب البريد عليه شفقين ..وحتى العناوين يالغالي عطنياك
    جلست في وعدكم والليل ليلين ..والبال مشغول في طيفك وذكراك
    ارفق على الحال ياسيد المحبين ..ومن شدة الحب قلبي كيف ينساك
    سرك بوسط الحشى من دون قفلين ..وتبي الحقيقه نحبك لافقدناك
    من عقبكم يالغضي مانامت العين ..وخليتني اشقا على شوفك وجمعاك



    مقهور ياصاحبي مقهور .. واللى شبكنى ياخلصنى
    عزالله انى معك مجبور .... وبأسبابك الحب لوعنى
    راعى الهوى لو ضحك مخطور..كذاب لو قال متهنى
    جرحى تصعب على الدكتور ..حتى المطوع تعذر لي
    شف حالتى ياقمر عاشور ..مدري متى الله بيرحمنى
    من شافنى قالى ذامسحور ...والله علم وش يصعبنى
    دايم وانا خاطري مكسور ....تراك يازين ظالمنـى
    صدقت فينى كلام الزور ...وخيبت ياصاحبي ظنـى



    مل قلبٍ عماهيج البني غربلنه .. كل ماطاب جرحٍ عاد به جرح ثاني
    والسبب صاحبي ياخوي عديت منه .. اه لاعاد جيته ولاعاد جاني
    اه من ضيقةٍ بالصدر جريت ونه .. ونة من سمعها قال بيح كناني
    ياظبي المها قربك على القلب جنه .. حسبي الله على الي عن مجيك حداني
    ياعذول المولع مابقلبك محنه .. مادريت المفارق من بلاوي زماني
    ياطيور السماء عندي كتاب احملنه .. ذا كتاب لخلي فيه كل المعاني
    وبلغنه سلامي قبل لاتطرحنه .. وبلغنه سلامي مع جزيل التهاني
    وعن حياه العزاري بس لاتخبرنه .. ذي امور من الرحمن فيها بلاني



    من جميع الخلق قلبي منتحي ..انتحى يمك واخذ الثار حان
    مايود القلب غيرك وانت حي ..وغير حبك بالحشى ماله مكان
    حبك الي ثابت ماينمحي ..لاوعهد الله لوطال الزمان
    في غزير الدمع ياعين اسبحي ..مايصير ارضيه والهجران بان
    كان نفسك سامحه لاتستحي.. منت بالاول وكم وافي وخان
    مايصير بكل غزوه تربحي.. يوم لك واليوم الاخر للزمان
    تقعده دنياه كانه ماصحي ..ومن نسوه اهله يربيه الزمان


    من عادة الدنيا فراق المحبين .. ولامن صفى جو الهوى جاله غيوم
    ويابوسعد كن الحشى فيه سيفين .. وعقب الخبر عيني جفت لذة النوم
    يابوسعد والله لوجا ملايين .. انت الذي حبك على القلب مخدوم
    وبصبر على فرقاك والزين .. والشين والقبر له يوم مقيد ومعلوم
    وبصبر لواقضي العمر مثل المساجين .. ولو ينتهي عمري معذب ومحروم
    في وسط قلبي لك بيوت وبساتين .. والبعد مايرخصك والعذل واللوم
    ويابوسعد دمعي ترى حرق العين .. اصبحت في حبك مقيد وموسوم
    قلبي على الذكرى وعيني مقيمين .. والروح ماتنساك والله ولايوم



    ( ن )


    نصحت قلبي عن هوى كل غدار ..وياليت قلبي طاعني ماعصاني
    عجزت من عذله ولاطاع الاشوار ..ولاراغ قلبي من بلاوي الزماني
    يحسب طريق الحب جنه وهو نار ..واليوم حب الماده ولا اللساني
    شبيه برق الصيف من غير الامطار ..نشفق عليه ونفقده في ثواني
    حب الشرف ماهوب ذل ولاعار ..لاصار خلك ماتبدل بثاني
    ويازينها لاصار ماخالط اشرار ..والسد عنده خافي مايباني
    هذاك لاترخص غرامه ولو بار ..لوغاب عنك شهر ماغاب ثاني


    نفسي عزيزه من جفاني جفيتـه .. حتى ولو يصعب على القلب فرقاه
    الصاحب المغرور يبقى في بيتـه .. والله ماهين النفس ودور إرضـاه
    وان كان طالت مدتـي مانسيتـه .. بعز نفسي وأجبر القلـب ينسـاه
    انـا اذا دورت غيـره لقيـتـه .. وهو بعد غيـري يـدور ويلقـاه
    يوم انه هاويني فناالـي هويتـه .. من حبني بحب شوفـه وبهـواه
    اول وانا مـنه العـزاء ماقويتـه .. منها الصبر يومين ما والله أقواه
    يومه يهلي بي الى مـن نصيتـه .. يوم المـوده بيننـا بالمسـاواه
    يامر وينهى صاحبـي ماعصيتـه .. راعي الغلا يامر حبيبه وينهـاه
    واليوم خان لو رجـع مابغيتـه .. عليه صار القلب ياناس ماقسـاه
    غيره حبيب مخلص لـي لقيتـه .. ماهو يجافيني وانا ماأقدر اجفـاه



    ( هـ )


    هات القلم واكتب لبوناصر ابيات ..الصاحب الي عشرتي له طويله
    لامن ذكرت ايامنا والذي فات ..صار السهيلي بالعيون الجليله
    صافي ووافي مايعرف الملفات ..ولايخيب ظن من يشتكي له
    لامن نخيته بالدروب العسيرات ..يوصل ولو دون اللوازم قبيله
    وياما سهرنا بالليالي الطويلات ..وكم ليلة مرت علينا جميله
    اخذت انا وياه وفلان سجات ..الصاحب الي له رموش ظليله
    بين جروح في فؤادي خفيات ..ولاهوب حق الخل يجفا خليله
    كلن تعيد في مسره وراحات ..وانا من الذكور روحي عليله
    والختم ياراعي العيون الكحيلات ..صليت قلبي فوق حر المليله




    هات القلم واكتب حروفً حسينات ..واذكر سلامي للربوع الحشامي
    من دخلتي للسجن مابه رسالات.. مدري زعل ولا عليه ملامي
    وانا احمد الله ماعليا جنايات ..لابقت جار ولاوطيت الحرامي
    اخذت لي في ديره البدو سجات ..والسجن عقب مرودعات الوشامي
    والله لو اخذ مع الحزم خطوات ..لاوايق بالمرقاب واغدي عدامي
    على الذي يلبس حسين القماشات ..ابونهيد مثل بيض الحمامي
    ياحمس قلبي حمس بن بمقلات.. في يد غشيم وداله بالكلامي




    هاض الغرام وهام قلبي بالاوهام ..واستعرض التفكير ذكرى المحبين
    دار الخيال الي على البال قدام ..والعين شافت زول سيد المزايين
    يصوره فكري وتبينه الاحلام ..ومخيله يعرض على شاشة العين
    جسمي نحل والي بقى جلد وعظام ..كني مريض بالمرض له زمانين
    طاب الكرى للناس والطرف مانام ..وارجي عسى الله يجمع الشمل عجلين
    الصاحب الي غاب له عشرة ايام ..وشلون انا بعيش لوغاب شهرين
    الصاحب الي فيه ماأطيع نمام ..والزين بي ماطاع هرج البغيضين
    ولو كان ما الاقدام تمنع بالاحكام ..سافرت للمحبوب لوكان بالصين
    والي فقد غاليه ماهوب ينلام ..والي يلومه من حساب المجانين
    الحب قد راود عزيزين وحشام ..وصار لسلطان المحبه مطيعين




    هنيكم يالي بذا العيد فرحين ..وهنيكم يالابسين الجديدي
    هنيكم يالي من الحب سالين.. مامركم حكم الغرام الشديدي
    كل فرح بالعيد حتى المساكين.. وانا تكسر عبرتي في وريدي
    والساعه ان مرت علي كنها سنين ..والدمع في عيوني وفكري شريدي
    هني من شاف الغضي لابس الزين ..انا اشهد ان مشاهده يوم عيدي
    وان عيدو ماشفت انا داعج العين ..انا اشهد ان العيد مهوب سعيدي
    ويالله ياقابل سؤال المصلين ..تفطن لحالً ناقصن مايزيدي




    ( و )



    وسط بن دايل عشت انا وانت جيران ..في جنه الفردوس انا عشت وياك
    واليوم يالمحبوب ماكن شي كان ..نسيت عشرتنا وقلبي برجواك
    ونسيت يوم انا صغار وبزران ..ماغبت عن عيني وانا ماأقدر انساك
    جفيتني من غير حجه وبرهان.. وعذبت قلب يامنا الروح يهواك
    في عشرتك والله ماطعت عدوان ..والقلب يكفخ كل ماحل طرياك
    اعطف علي ان كان في قلبك ايمان ..وارحم محب ابغض الناس لرضاك
    تراي في حبك وحيد وغرقان ..تجفى الهلالي ياهوى البال وش جاك
    ناصر مولع في مودتك حيران ..ولولا الحيا والله يازين لاانصاك




    وسط المبرز شافت العين فتان ..حرام ماشافت عيوني مثيله
    الخد وردي طالعن وسط بستان ..والعين كن فيها سيوف صقيله
    الوسط طاقه من قماشات بقشان ..والردف من شافه بينهد حيله
    ومبسم حمر يشبه لخاتم سليمان ..ورموش ياستار سوداء ضليله
    من يوم شفته شب بالقلب نيران ..ودي بوصله بس مافيه حيله
    قربت منه وقلت بالخير يافلان ..ورحب بي المجمول وافي الجديله
    وارخى اللثام وقال لي انت غلطان ..ولاانت بأول من يضيع دليله
    انا في المبرز من زمانين سكان ..وانت اجنبي مدري من اية قبيله
    قلت الغلط مرجوع ماكن شن كان ..وهلت دموع العين مثل المخيله
    وبداء السؤال وقال وش فيك زعلان ..حالتك حالة شخص فارق خليله
    تبغى الصراحه انا يازين الى الأن ..جاهل بدرب الحب ياشين جيله
    وماأرتاح قلبي لين شافتك الاعيان ..وشاهدت نهدً مختفي تحت شيله
    وخدود مثل الورد والطرف نعسان ..وردف الى قفيت ثوبك يشيله
    خف بي من الله ان كان في قلبك ايمان ..واعطف على روح من اجلك عليله
    والضيف له واجب على كل انسان ..ثلاثة ايام وانا بس ليله
    قال انت باين فيك عاشق وتعبان ..وراعي الهوى معروف حاله نحيله
    ومادمت في حبي مولع وغرقان ..ملزوم انا ارضالك بأيه وسيله
    قلت الله يخليك معروفكم بان ..اديت لي الواجب وعلومك دليله
    لرويت قلب منك يازين عطشان ..وبالناس اشكالك ومثلك قليله
    يقولون لي تب من الهوى يابن شنان ..وانا بدرب الحب راعي طويله



    وافيت قبل امس بالديره عجـوز عليها واشكالها اللعنه تجوز
    ماتقرب امـر خبيـث الا وتفـوز همها في العمر تحليل الحرام
    قربت منـي وقالـت فـي نـدم هاالطريق يؤدي لسوق الغنم
    قلت انا مدري اسالي شخص فهم وابعدت عنها وتوسط الزحام
    تابعتنـي والعيـون مشبهـرات تركض بسرعه رافعه العباة
    قلت وش تبغين قالت لك وصـاة جارنا ابو فلان يهديك السلام
    قلت هذا اللـي تسمينـه اجهلـه قالت تعرفه وتعرف من هله
    بتعـتـرف والا يالله نـوصـلـه بيظهر الكذاب منا في الكلام
    قلت انا والله غشيـم فـي البلـد لاعرف شوارع ولا اعرف احد
    وباحلفلك ايمان بالـرب الصمـد اني معك صادق في ذا الكلام
    قالـت الايمـان عنـدك جاهـزه لو نبغي الفين حل بارزه
    حجتـك هـذي قديمـه وبايزه يالله مشينا لا يجينا الظلام
    قلت انا مواعدلي انسـان عزيـز وسط منفوحه ومن حول النشيز
    ابوصله اخشى ان موعدنا يبيـز ابعتذر منه وارجع لك لدوام
    قالت اصبرشف معايااربع صـور حافظتها لك في جيبي من شهر
    واظهرت من بينهم صـوره قمـر يبري الالام ويزيل السقام
    قامت بـي الارض والدنياتـدور ودخلت بعد الزعل دنيا السرور
    قربت مني وقالـت فـي غـرور بتروح والا لاتطول في الكلام
    قلت انا بمشي معك للـي تبيـن لو في طريقي ذياب جايعين
    لو ماكفـى اليـوم لونقعـد سنيـن انا تحت امركم ياهل الغرام
    قالت مشينا وخلـك مـن بعيـد من شان في البيت انسان عنيد
    كـل ماقلنـالـه بعناده يزيـدقليل حشمه ومفقود احترام
    قلت انا بقعد على هذا الرصيـف كله على شان من دمه خفيف
    لو يقفي البرد ويجينـا المصيـف ما اروح حتى اشوفه لو كلام
    راحت وفي ظرف ساعه عـودت وقربت مني وبيدها اشرت
    قالت مشينا ترى اللمبـه طفـت الجو صافي والشارع من ظلام
    ادخلتنـي بيـت مثـل المقبـره ارض وحيشه خلاعي مقفره
    والطوايـق فاتحـه ومكـسـره تشبه اعشاش تبنا للحمام
    قلت ياخالـه اذا عنـدك بسـاط ارجوك هاتيه احسن من البلاط
    قالت ما اخبر سوى هذا السمـاط اصبر دقايق وتمشي في سلام
    قلت انا ماعاد ابـي شـي بتـات عجلي هاتي لنا زين الصفات
    قالت المذكور جاي مـن الصـلاه ينام بدري على شان الدوام
    قلت ياخاله ابـي منـك السمـاح بروح للبيت وارجع في الصباح
    قالت ارجوك خلك مـن المـزاح بنوم انا وانت يا ولد الكرام
    سكت والنار فـي قلبـي ولعـت قلت ابي الدكان اباخذ لي بكت
    راحت وفي ظرف ساعه عـودت وجابت بكت كنت من عشرين عام
    قالت وش الراي نرقى في البـراد قلت انا فيما تشوفين السداد
    وكشفت راسا فقد ريـح السـواد جعل ماهي للعرب اهل الوشام
    قلت انا مادامـت انهـا لوحدهـا ليه من راس الدرج ما ادفها
    وان ما غشت في الخياش الفهـا والى صحت لينها كومت عظام
    بعدين فكـرت فـي حـل سليـم انام انا واجلس وكني مقيم
    واحلف لها برب زمزم والحطيـم انها تشفي جروح اهل الغرام
    وفي اذنها قلت ياشمـس النهـار القلب من يوم شافك شب نار
    وفي نفسي اقول ياليـت القطـار يقسمك نصفين يابنت الحرام
    قامت تشاخر وانا احسبها رقـدت واثر اللعينه لراعي خططت
    مقصودهـا تكتشفنـي وانجحـت قالت على وين قلت ابغى الطعام
    قالت انا خابـره باقـي الفطـور من قبل قبل امس ماشفت القدور
    وان كان تبغى جبته فـي سـرورنمشي على رضاك ياولد الكرام
    قـلـت بالله دخيـلـك عجـلـي واذا جيتي راس الدرج اتمهلي
    وفي نفسي اقول يالله وصلني هلي اعيش في نور من بعد الظلام
    طالعـت بجدارهـا لينـه قريـب واخاف اطب انكسر ماعاد اطيب
    طبيـت والله يسـر لي الصعـيـب ومن بعدها تبت من طرد الغرام



    ( ي )



    يا زين من فرقاك روحي عليله .. والقلب عقبك يا هوى البال محتار
    شي مقدر ما معي فيه حيله .. منت برخيص لكن الوقت غدار
    ودي بوصلك لا شك مالي وسيله .. أخاف وأخشى من حكي بعض الأشرار
    صابر وكن قلبي وسطه مليله .. وبأطلب الله جعل الأفلاك تندار
    وترجع لنا ذيك الليالي الجميله .. وتصفا لنا الأيام من بعد الأكدار
    يالله عسى فرقاك ما هي طويله .. منك الذي قاسيت من مر وأمرار
    عيلك يا راعي العيون الكحيله .. ياللي عقب فرقاك قلبي على نار
    يا ضيعتني من القلب ضايع دليله .. أشوف حرف العين ما جاله أخبار
    ما فيه لي غيرك صديق أشتكي له .. أنت الذي كشفت الأسرار
    والله لولا اللوم وأخشى الفشيله .. لا جيه لو عرضت نفسي للأخطار
    أجيه لو هو في منامه وأشيله .. وش عاد لو كان الحرس في فنا الدار
    لا شك أخشى من أمور مهيله .. وينقال عني جاء يبي يقضي أوطار



    يابنات المدارس بطلو العلك كله ..وعقب عز الطراديه حرام الدراسه
    الدراسه مع الغبران عيب ومذله ..خلو المدرسه لهل الحسد والنحاسه
    واجب المدرسه وشلون بالله تحله...............
    المدارس تبي ناسن يحطون قذله ..ماتبي عالم في كل عاير حراسه
    جعل من كان ذا رايه نجم يتله ..اشهد انه مغفل مايعرف السياسه




    يابوسعد لو فرقتنا المقادير .. والله فلا انسى عشرتك في حياتي
    وياليت لي جنحان واخاوي الطير .. وانزل معك سطح القمر من وفاتي
    وان راده الله شفتك زولك على خير .. تخف من صدري كثر اعبراتي
    ومع شارعك والله لأخذ مشاوير .. غصب على العدوان واهل الشماتي
    كنه يدق في فؤادي مسامير .. وان غبت عني وش تسوى حياتي
    راعي الهوى والله ماهو في خير .. دايم مهدد بالخطر ياغناتي
    ويابوسعد في القلب مثل المواطير ..شاركتني يابوسعد في صلاتي
    والختم مدري عقبكم وش بيصير .. ويابوسعد بك عزيز الصفاتي



    ياحبيبي ترى الدنيا عريضه ..لي محلي وباقي الارض لك
    حبك ماهو على قلبي فريضه ..الا ان كان ابويا عليا وكلك
    ان قضا العمر في حب الغميضه ..لاانت خلي ولااني خل لك
    يم شيخ الهوى برفع عريضه ..برفع الشكوى على من هملك
    لواني احمل على حبك حفيظه ..ياترى كيف انا بتحملك
    تبتليني وانا نفسي مريضه ..ماتسلك الدرب جملة من سلك
    تذبح الناس بخدود غضيضه ..وعيونك الي من نظرها هلك
    وليه تمشون بقلوب غليضه ..ورغم جورك علي اخلصت لك



    ياحبيبي محبتكم علينا بلاوي ..نامت الناس وعيون المولع شقيه
    علتي في فوادي مايفيد المداوي ..كود ياتي حبيبي ثم يعطف عليه
    من سببكم غديت اليوم مثل الجلاوي ..كن مالي مع العربان ربع ودنيه
    كم علشانكم رضيت البلاوي ..يشهد الله ويشهد من درى بالقضيه
    وياحبيبي عسى منتب على الهجر ناوي ..كل يوم تحداني بلاذنب وخطيه
    صابر وانت تكوني بحر المكاوي ..مابقى ياحبيبي كود تقضي عليه
    ولو شكيتك بحالي ماتفيد الشكاوي ..ولو تفيد الشكاوي كان اقدم شكيه




    ياحمام الأيك بالله ياحمام ..اوصل الغالي وعجل بالخبر
    عاتب المحبوب عني ياحمام ..والامل ماكان ذا بك يامليح
    تهجر الي بسبتك عاف المنام ..وليه بعد الود اغواك الغرور
    وليه يامحبوب طاوعت العذول ..وليه تنسى ايامنا الي من زمان
    لو دخلت شهار من شانك يهون ..وان كان ذا يرضيك افعل ماتريد
    السمر في بحر حبك يغرقون ..ياعذاب القلب من بحر الغرام
    ياعظيم الشان يامحيي النفوس ..صخر الغالي وماجاني كفان
    يامجيب ايوب يوم انه دعاك ..استجب للي عيونه ماتنام



    يا خوي انظر لحالي وش جرالي .. نهب عقلي غزال الصالحيه
    زريف الطول يهرج ما يبالي .. حروف الحب في لسانه طريه
    انا من قبل اشوفه كنت سالي .. وحب السمر ما يطري عليه
    ابو مبسم حمر والريق حالي ..وحلى محلى الذهب فوق الثنيه
    ولا ياليت ما جيته وجالي .. ولا كنا اجتمعنا بالسويه
    اكيد ان الغضي داله وسالي ..ولا فكر بما قد صار ليه
    وانا سهران وافكر لحالي .. ما عمري في الهوا حبيت زيه
    لاول نظره حبه صطالي ..وكواني كيه من فوق كيه
    ولا ياليت سيد البيض جالي .. وداوى جروح من اجله خفيه
    انا وان مت باسبابه حلالي .. و لياكم تمسونه بسيه
    وسهوم عيون سيدي كالنبالي ..ولا سلهم بها حت المنيه
    والى منه مشى والكعب عالي ..حدى الوركين يشكي من خويه
    وكتف وردف ومشيه باعتدالي .. وشعر ليلي ونازل للشطيه
    وحلفت ان كان ابو خالد عنا لي ..لا خلي البيض له ارض وطيه
    ولا توب من الهوى واجلس لحالي .. انا وياه في ارض خليه
    وغير الزين انا ما ارضى بدالي ..وتهون الروح لو يطلب هديه


    ياراعي الباب الحديد انتهينا ..وان عاد جيتك صك في وجهي الباب
    وان قلت من ذا قلت غالي علينا ..ذا من جماعتنا وهذا من الاصحاب
    تسري بطارك وانت تلعب علينا ..حطيت طارك لك عذر وانت كذاب
    ولاتحسبنا في هواك ابتلينا ..وبتحطنا لك خيشة من ورى الباب
    وياما على جمعاك اول بكينا ..واليوم لاوالله انا خاطري طاب
    احرص على قل المعرفه قضينا ..ولو ان بيتك مسجد وفيه محراب
    وماعاد يمديك التخفي درينا ..نحسبك مخلص وانت خاين ولعاب
    بعناك مجاني مع الخاينينا ..وشرواك ياحرف العين ماأحسب له حساب



    ياراكبين الشفر ردو حبيبي عليه ..حبيبي قلبي تركني بين الهدى والحويه
    سافر وقلبي معاهم ولاعاد لدور نيه ..حبيبي قلبي تركني بين الهدى والحويه
    يامن يبلغ سلامي وافراحنا والتحيه ..للصاحب الي تركني بين الهدى والحويه
    مشى وعيني تناظر والسايق اسرع شويه..ومضنون عيني يناظر ليته مهدي شويه
    الله يسهل عليهم ويردهم بالعشيه ..للصاحب الي تركني بين الهدى والحويه





    ياربي يامعتلي ياجامع الشملين ..مولاي فوق العرب ياعالي الشاني
    قال المولع تهيض بادع حرفين ..اسبابها يشتعل بالقلب نيراني
    كان ودك تجي يامرحبن واهلين ..واذا نصيت الحشى ياقرة اعياني
    يارمحبن بك دقيقه جيت اوعامين ..الكل منى يطيب خاطر الثاني


    يازين راح الوقت وانا اترجاك .. واعد ساعات مضت بالدقيقه
    والقلب يالمجمول ماطاع ينساك ..واصبحت حاير ماعرفت الطريقه
    واليوم انا بمشي على الشف ورضاك ..وارجوك عاهدني عهود وثيقه
    قلبي من الفرقا بدا فيه دكاك ..وروحي تراها في هواكم شفيقه
    لياك تجفاني ولا والله اجفاك ..ياروحي روحي جات مني حقيقه
    واليوم انا بشره على مثل شرواك ..الله يجازي من يخلي صديقه
    واليك من دوني تراه يتحداك ..وارجي عسى المولى يتم الوثيقه
    وان كان يالمجمول مظهرني ارشاك ..اعرف تراني في بحور عميقه
    بالعون والله ماتغاليت مشراك ..ومن عقبكم ولع بقلبي حريقه



    يازين من فرقاك روحي عليله ..والقلب عقبك ياهوى البال محتار
    شي مقدر مامعي فيه حيله ..منت برخيص لاكن الوقت غدار
    ودي بوصلك لاشك مالي وسيله ..اخاف واخشى من حكي بعض الاشرار
    صابر وكن قلبي وسطه مليله ..وبطلب الله جعل الافلاك تندار
    وترجع لنا ذيك الليالي الجميله ..وتصفى لنا الايام من بعد الاكدار
    يالله عسى فرقاك ماهي طويله ..منك الذي قاسيت من مر وامرار
    عليك ياراعي العيون الكحيله ..يالي عقب فرقاك قلبي على نار
    ياضيعتي من قلب ضايع دليله ..اشوف حرف العين ماجاله اخبار
    مافيه لي غيرك صديق اشتكي له ..انت الذي عليك كشفت الاسرار
    والله لولا اللوم واخشى الفشيله ..لااجيه لوعرضت نفسي للأخطار
    لاأجيه لوهو في منامه واشيله ..وش عاد لوكان الحرس في فنا الدار
    لاشك اخشى من امور مهيله ..وينقال عني جا يبي يقضي اوطار


    يازين واصلني ترا القلب مجروح ..انا عليل والعرب مادرو بي
    يازين من فرقاك ماشفت مصلوح ..كني مريض عن طعامي محجوبي
    قلت اه واعزاه يامهجة الروح ..حاربت زادي مع لذيذ الشرابي
    ترى الجفا يازين مامنه مصلوح ..وانت الذي وجهك وخدك صبوحي
    يازين انا والله بالسد ماأبوح ..لوتغيب شمسي مانطقت الحروفي



    يازين وش غيرك وش صـــــار .. وش غيرك يا نظر عينــــــي
    من عقبك القلب ولع نــــــــــار .. ليتك تكرم تحاكينـــــــــي
    اعطف علي قبل ازور شهـــــار .. ترى غرامك صطى فينــــــــي
    بنيت في أقصى الحشا لك دار .. وبستان اسقيه من عينـــــي
    ويا ساكن في حلة ابن نصــار .. ترى غرامك صطى فينــــــــي



    ياساكنين الخيام بين الربوع الجميله..قلبي معاكم سكن
    الزين حلو القوام ابوالعيون الكحيله ..حبه بقلبي سكن
    مسكين راعي الغرام دايم نهاره وليله ..محرومه عينه المنام
    حرم عيوني المنام ماذاقت النوم ليله..تسهر عيوني دوام
    لاتسمعون الملام مالي على الهجر حيله..الحب ناره سلام




    ياسعيد كثر الدمع مافيه مصلوح .. اصبر وتندار الليالي والافلاك
    كم عاشق يبكي ولا سره النوح .. ولاتستحي مادام خلك برجواك
    اصبر على المقسوم لو كنت مجروح ..والعقل من عادات مثلك وشرواك
    ياسعيد امر من الولي وين بتروح ..وماكتب لك تنصاه لوكان ماجاك
    انصحك لايدري من الناس مفضوح ..احذر من المنقود ياسعيد حذراك
    ولاصار من تهواه ياسعيد مجروح ..اصبر ليالي يالسهيلي وينصاك
    ترى البكى ياسعيد ماهوب ممدوح ..سلم امورك يالسهيلي لمولاك
    ان كان هذا دين والله لااروح ..والله فلا انسى فزعتك يون بنخاك




    ياسيد روحي ترى عيني دمرها السهر .. وريتني يالغضي بقعا وصكاتها
    وان كان قصدك تغلي مر كم من شهر .. وعشرتك يانور عيني ذقت علقاتها
    ومن يوم فارقتني وانا في ضيم وقهر .. حرمتني من حياتي وانت لذاتها
    والله ماأنسى غرامك لويطول الدهر .. ارتاح لاشفت عينك وحجاتها
    ارسلت لك مناديب ولاجا خبر .. ومودتك ضعت انا داخل ملفاتها
    والروح مني تراها يالغضي في خطر .. الله حسيبً على الدنيا ولوعاتها
    غصبتني بالظلام ورغبتي بالسفر .. سجنتني وسط دارن خذت لمباتها




    ياسيدي بالحال رد النظر.. ورحم محبن حياته بين ايديك
    الي متى يازين ونا بنتظر..راحت حياتي وقلبي يرتجيك
    الناس طلعت على سطح القمر ..ونا معك ماقدرت اوصل اليك
    اضن مافي احد مثلي صبر ..صبري قضى ولامرمنك واليك
    وماعاد باقي علي الى انتحر..واموت لجلك حسبي الله عليك
    الموت افضل من حياة القهر..مادمت نانسيني وعايف من يبيك
    تراني واصل على حد الخطر..ولاتبيع عاشق بروحه مشتريك
    ودي اجتمع وياك مره في العمر..وياغالي قلي متى الله بيهديك




    ياصاحبي لك مدة ماتجينا.. وش غيرك ياسيد كل المحبين
    في مامضى تقبل وتقفي علينا ..واليوم تقطع جيتك ياأريش العين
    ان كان تسمع كل ماقيل فينا ..عذالنا مهوب واحد ولااثنين
    عذبتني وارجي من الله يعينا ..ولجل الغلى بصبر على الزين والشين
    كم ياحبيبي وكم لجلك عنينا ..بعد الجفا ننشد عساكم معافين
    طول الجفا يثر على العاشقينا ..والحب والله مايجي له مداوين
    والله فلا غيرك حبيب هوينا ..انت الوحيد الي له الروح مفدين
    مالي بغيرك شف لوهو يبينا ..من عادتي بالحب مااحب الاثنين
    والله لوطال الجفا مانسينا ..انا على رجواك ياكامل الزين




    ياصاحبي معلوم كل الغلى لك ..وان طالت الايام ماني بناسيك
    والله فلا احدن بالموده صفالك ..مثلي ولاضنيت غيري يصافيك
    وان كان غرك ياعشيري جمالك ..الله يزيدك ياحياتي ويعطيك
    وان كان غرك واحد قد حكى لك ..تراك لاقفيت صار الحكي فيك
    ماهو يحبك طامع في حلالك ..واكبر عدو من بلغك هرجة فيك
    ليتك تواصل من طمع في وصالك ..يسهر طوال الليل بسمك يناديك
    وان كان هجري ياحياتي طرى لك ..يالي ملكت الروح لله ابشكيك




    ياصاحبي مليت من كثر الاعذار .. قلبي سمح ماعاد لي رغبة فيك
    عقب الغلى بعناك بخس الاسعار .. دور على غيري عسى الله يهنيك
    عرفت قصدك عند ماجات الاسرار ..وعقب الموده عفت شوفك وطاريك
    احسبك مخلص وانت خاين وغدار ..لاتعتذر والله ماعاد اصافيك
    شاهدت بعيوني جميع الذي صار ..ونسيت وقت فيه اقدرك واغليك
    صفحتك عقب الود جا فوقها غبار ..مادمت بايعني فلا والله اشريك
    والدبله الي عندنا شبه تذكار ..اهديتها لفلان من شان اجافيك
    ومن بعدها احرقت صورتك بالنار ..وارتاح قلبي عندما ولعت فيك



    ياعذابي انا من حر ماهو جرالي ..انقطع في يدي حبل الوصل والاماني
    عذبتني المحبه والهوى ماصفالي ..انقضى العهد والهجران ياماطواني
    كم اقاسي عذاب الحب واشقا بحالي ..واقع في جحيم الحب محدن نهاني
    ليه حرم كلامي وليه يقطع وصالي ..قاسي القلب قولو له علامه جفاني
    كم اراعي النجوم وكم سهرت الليالي ..من هوى الصاحب المغرور صافي الثماني
    راح يصيف ولاكن صورته في خيالي ..اسهر الليل والمجمول اضنه نساني
    امشي بعلتي كني من العقل خالي ..كيف يرضى شريك الروح سيد الغواني



    ياعشيري قضى صبري ودمعي يهلـي .. والله أكبر لوأني فاعلن لـي جريمـه
    ودي أشوف زولك وأعتذر ماحصلـي .. ولاأقدرأجيـك يالغالـي بليـا عزيمـه
    الجفاء طال مدري هوزعـل أوتغلـي .. وجعل جو الزعل يازين ينزال غيمـه
    آه ياحسرتي ياشيين من هجرك حصلي .. كيف طاوعت بي هرج القفى والنميمه
    لانظرتك مع الشـارع فـؤادي يهلـي .. يصفق القلب في لحظة موافى غريمـه
    شبت النار في جوفي ولاأحدن فطن لي .. والجفاءيالغضي والهجرماهوب شيمـه
    يانجوم السماء بـاالله روحـي لخلـي .. بلغيـه التحيـه باحتـرام وحشيمـه
    علميه ان هجره والجفاءقـرب أجلـي .. والجفاء والمشاكل في فؤادي مقيمـه


    ياعين لاتبكين والقلب مهموم .. ترى جروح القلب يصلاها صالي
    اطول علي الهم وحاربت انا النوم .. يلعب بي الهاجوس في كل جالي
    لافي يدي حيله ولاجاني علوم .. عن شوفهم ياعين تقصر حبالي
    كم واحد قبلي شكى الحب محروم .. مانيب انا الأول ولانيب تالي
    تم القدر ياعين وما صار مقسوم .. عوايد الدنيا نزول ارتحالي
    لو لاالرجا ماعشت ساعه ولا يوم .. لو لا الأمل في مقبلات الليالي
    قلت ادفنوني ميت الحب محروم .. مابي حياتي عقب ماراح غالي
    رجواي في اللي ينصف لكل مظلوم .. يجمع بشملي مع هوى شف بالي




    ياغاية المطلوب ياصافي الاوجان ..رميتني وسط البحور الغزيره
    ترى الذي غرك على غير برهان.. قصده يولع وسط قلبي السعيره
    قصده يغير كل عزك بحقران ..وان طعتني يازين لاتستشيره
    اشرح لي الموضوع وان كنت غلطان ..حقك علي ياسيد كل العشيره
    انت الذي في داخل القلب سكان ..وانت الذي ابدي عليك السريره
    انت الذي لك بسفل القلب بستان ..وانت الذي لاجلك دموعي نثيره
    وانت الذي تشبه قمر شهر شعبان ..لازل منه ايام ماهي كثيره
    وانت الذي جرعتني المر الوان ..وانت الذي روحي من اجلك خطيره
    انت الذي اسقيتني سم ثعبان ..وذبحتني بعيونك المستديره
    ممشاك متغير وطبعك معي شان ..وكل الامور الياسره جت عسيره
    رجواي فالي لاعطى غير منان ..يعطي برايه مايشاور وزيره





    ياقمر نصف شهر كامـل بالوفـا .. ارحم العين يوم تهـل عبراتهـا
    وليه يانور عيني بان منك الجفا .. وليـه ياجنـه الدنيـا ولذاتهـا
    كان قلبك رحـوم لاتبـذ الخفـا .. المحبه عزيزه يالغضـي هاتهـا
    وين ذيك الموده وين ذاك الصفا ..ليه تخلف مواعيـدك وحزاتهـا
    لاهب الحب في قلبي ولع ماطفا .. ودمع عيني تحدر فوق وجناتها
    لآ ياغصن مـوز ورد من يقطفـا .. سعد منهو قطف بيديه ورداتهـا
    ياحبيبي ترى من شق جرح رفا .. جروحي اللي بقلبي ليه خليتهـا





    ياكامل الزين سيد البيض يالغالي ..روحي وقلبي وعيني فيك مفتونه
    من كاس حبك شربت المر والحالي ..وعرفت انا الحب مثل الي يعرفونه
    شفت السعاده وشفت المشكله تالي ..مشاكل الحب للعشاق مضمونه
    نار الهوى تحرق العشاق بالصالي ..ولهيبها بالضماير مايطفونه
    ليتك تجي ياحبيبي ويابعد حالي ..وتشوف حالي عقب فرقاك وشلونه
    حبيتك اول وانا احبك ولازالي ..محبتك ياحبيب الروح مصيونه
    ياعاذلي عن حبيبي مالك ومالي ..راعي الهوى مايطيع الي يعذلونه
    ماأطيع في نور عيني هرج عذالي ..مهما حكيتو ورغم الي تقولونه
    ياأهل الحسد والنمايم شرحكم طالي ..وش فايدتكم من العاشق تعذلونه
    خلو هل الحب يااهل القول والقالي ..خلو المشقى ينوح وتسهر عيونه




    يالسهيلي عجل وهات الطبيب ..قلبي الوجعان ابغى اكشف عليه
    عالجوني قبل شمسي ماتغيب ..واسئلو الدكتور قلبي اش صار فيه
    قال ابوناصر جروحك ماتطيب ..والهوى الدكتور مايقدر عليه
    من جميع الناس من ذنبك غريب ..من جزى المنقود مانشهد عليه
    وبطلب الي من يسئله مايخيب ..واحدٍ كل الخلايق ترتجيه
    ومالك علاج سوى شوف الحبيب ..ومن شفاياه علاجك الي تشتهيه




    يالله ياجالي ليالي كدرها ..يامصرف الايام ماشن بيخفاه
    افرج لمن عينه تزايد سهرها ..عافت لذيذ النوم ماعاد تشهاه
    عيني على المجمول هلت عبرها .. مثل المطر لاهل يدفن رفاياه
    الي خذا قلبي وروحي دمرها ..اسمر حمر ماشفت شكله وحلياه
    الي جعوده فوق متنه نثرها ..كتف وردف ياسعد والله مانساه
    ادعج غنج مربوع روحي هجرها ..من غير سبه كيف احاول مراضاه
    كم ساعة عرضت نفسي خطرها ..ماخفت انا لوكان تدري دناياه
    كم ليلة زاورتهم في سحرها ..ويفك لي باب خطيرً لمن جاه
    ادخل بساتينه واقطف زهرها ..واهز عوده والتوي في زواياه
    وامز ريق صافي من كدرها .. لاذاب لي ياناس داخل شفاياه
    من عقب وصل الحبل رجله قصرها ..الله عليه اليوم ماأكبر خطاياه
    كبدي عليه اليوم يسقي ثمرها ..وزرع الحشى ينلاف لااواحيت طرياه
    هو قرة عيوني وغايه نظرها ..وهو الذي لاشق قلبي بيرفاه





    ياليت سوق الذهب يفرش حرير.. من شان فيه الحبيبه شفتها
    شفت انا ساره وانا بالسوق اسير ..هي كلمتني وانا كلمتها
    قلت ياساره ترا القلب بيطير ..وكل الهموم الثقيله شلتها
    اشرت لي قايله ابشر بخير ..عهود المحبه ترى ماخنتها
    قلت اسمحي لي انا بوقت قصير ..قالت ترى النفس لك اهديتها
    قالت لي لبيتنا يالله نسير ..وعند مالزمت طاوعتها
    مسكت يدها مع السوق الصغير .. وارتحت لما وصلنا بيتها
    فتحت لي الباب على اهون مايصير ..وساعة تقفل انا حبيتها
    كشفت لي الجبين المستدير ..ونهودها البارزه قلبتها
    قالت لي اصبر ترى شي كثير ..وطلبتك ياصاحبي ابشر بها
    افرشت لي فوق هذاك السرير ..هي عانقتني وانا خميتها
    انقضى ليلي على راحه وخير ..وعزالله ان السعاده شفتها



    ياليت من يقوى العزى عنك يازين .. مير ان عيني فيك ياسمر شقيه
    اسهرتني يازين والناس ممسين .. زولك حلاه النوم يعرض عليه
    يازهره في وسط هاك البساتين .. اما عاد لي بمواصلك مقدريه
    يابوثمان رهاف ومبسم زين .. ذبحتني من دون ذنب وخطيه
    ان كان عندك للمحبه قوانين .. اعطف علي مادامت الروح حيه
    والا نتقلني معك في الموازين .. اهلكتني من دون ذنب وخطيه
    خف بي من الله يااريش العين .. عذبتني مابين روحه وجيه
    عذبتني من بين هاك الفريقين .. وخليت عدواني تشمت عليه
    الناس عذاله ولاهم بدارين .. وانا جروحي في ضميري خفيه
    تصد عني ياهوى البال ذالحين .. طاوعت حكى اللي يعذلون فيه



    ياماشين بالهوى لياك تتندم ..الحب يبقى ولاتمحاه الايامي
    امس العصر مرني الفتان ماسلم ..طالعت له ويشر لي بالاعياني
    ياباهي الخد يامملوح ماترحم ..ماترحم الحال يامدعوج الاعياني
    اغنم زمانك وانا في حبكم مغرم ..يازهره الورد ياخوخ ورماني
    كم واحد في حياته مات ماحصل ..راحت حياته وهو مانال مقصوده



    يامرحبآ يالي خياله على البال ..الصاحب الي منه روحي عليله
    ابوخدود زادها حبه الخال ..طفلً سلب عقلي ولافيه حيله
    والنهد زامي بالصدر مثل فنجال ..ومجدل كالليل مالي شليله
    توه صغير مابعد جاله عيال ..اسمر ومملوح عيونه كحيله
    معفي من الخدمه ولايعرف الاشغال ..ومكلفن شيل الردوف الثقيله
    من اول اسمع به مع كل رجال ..كلن يقول فلان مابه مثيله
    ولااصدق لين قابلته قبال ..واقف بوجه الباب يومي بجديله
    من يوم بانت غرته كنها هلال ..حار القدم وقلبي تزايد غليله
    ياليت منهو باأسمر اللون يحتال ..والا حصل قلت ماأبغى بديله
    اواي والله قبل قصاف الاجال ..اني اتحيل فيه بأيه وسيله



    يامرحبً بالكتاب الي لفاني يوم الاثنين ..استر به خاطري واسترت العين الشقيه
    ساعة قريته بكت عيني على شوف اريش العين ..الصاحب الي غدا شوفه على حالي محيله
    لاتحسب الغلى بيمحى ولو كنا بعيدين ..احرص على عز نفسك والمحبه داخليه
    احذر من قول الحسود الي يحط العلم علمين .. يجيك في نيه وله غير نيه
    الله يصبرني على فراق الصاحب الزين .. الله يصبرني الى عيد الضحيه



    يامل قلبن كل ماقلت له هون.. قام يتزايد بالونين وشقاني
    ارث عليه بالهوى غايه جنون .. ايضآ ولبسني ثياب الجناني
    قلبي بشده والمخاليق في هون .. وزين الوصايف بالضماير كواني
    قفيت واعطاني حسين ومزيون .. زين على كل الرعابيب زاني
    وياليت حلم الليل يصدق بمضنون .. ويجيني الي في منامي لفاني
    دايم عليه دموع عيني يصبون .. والقلب من فرقاه زايد احزاني
    وياليتني وياه مادوننا دون .. واروي حشى المعلوق من ماء اللساني
    خمسين عام والعدى مايشوفون .. اسج انا وياك والعمر فاني



    يامن شب وسط قلبي حريقه ..جيبوا لي النجدة والإطفاء الإسعاف
    وشوفوا لقلبي حل وأسرع طريقه ..ترى حياتي بعد ابو علي تنعاف
    الصبر عن مضنون عيني ماطيقه .. وفي حبهم والله لأ فرح ولا اخاف
    روحي بحبه يابوتركي غريقه .. والله اكبر كيف ما عاد ينشاف
    ويابو علي بالله كيف الطريقه .. حسبي على أهله إن كان ما فيه إنصاف
    ومضنون عيني ليت من مز ريقه .. يرتاح من دمعه علي الخد ذرا ف




    ياناس انا اللي في الهوى مظلوم .. ومااظن غيري جاه ماجالي
    عايش وحيدفي شقى وهموم..والنقص اشوفه بادي بحالي
    الحب يجبر صاحبه ملزوم ..صابر ودمع العين همالي
    باسباب من صاب الحشا بسهوم .. ضبي حدا قلبي على الصالي
    ليلى نهاري ملتحم بغيوم ..ونوم العرب ماعاد يهنالي
    شكواي لله صابر مكتوم .. وباصبر لعل الجو يصفالي
    بيت المحبه يالغضي مهدوم .. لاتتركه مهدوم يالغالي
    اسس لنا بيت بغير ثلوم .. نسكن بظل ياهوى بالي




    ياناس خلوني ابكي على اشجوني ولاتلوموني .. مايرحم الا الله
    كفى تعذلوني عن حب مضنوني انتم ظلمتوني ..مايرحم الا الله
    عن صاحب غالي ريقه عسل حالي مانيب انا سالي ..مايرحم الا الله
    من اللي نهب قلبي ونسى عهد حبي ماخاف من ربي ..مايرحم الا الله
    كانه نوى هجري ولاعرفت قدري فانا قضى صبري ..مايرحم الا الله
    الله درى بمااخفيت كم عبره كنيت ياحسرتي ونيت ..مايرحم الا الله
    رمت بي الأقدار بصاحب الغدار احرق فؤادي بنار ..مايرحم الا الله



    ياناس راعي المحبه مايذوق النوم ..مهموم دايم ولايرتاح في حيله
    عزي لراعي المحبه دايم مهموم ..يدور به هاجسه مسكين عزي له
    وراعي المحبه لزوم تبتليه سهوم ..يسري به هاجسه مهما بيطري له
    مسكين راعي الهوى مسكين يامظلوم ..لامن بغى صاحبه يجيه ماجاله
    هذا جزى من تولع بالهوى معلوم ..راعي المحبه شقي مسكين ياويله
    والله يامن تولع فيك يا... ماعاد يرتاح من شانك على حيله
    مجبور انا ياحياة الروح انا ملزوم ..وافهم تراني معك ياساكن الحله



    ياناس ما للهوى دكتور ..يعالج قلوب المحبيني
    دايم وانا خاطري مكسور.. مالي صديق يواسيني
    يافهيد قلبي غدى مخطور ..جيبو طبيب يداويني
    ماترحم الحال يامغرور ..حرام بالنار تكويني
    القلب كنه على دافور ..الله حسيبه يجازيني
    من شافني قال ذا مسحور ..وانا همومي تباريني



    ياناس يازين منفوحه .. ويازين غرو مشى فيها
    وخدودها كنها الخوخه .. ويازين خمسه مثانيها
    زرقاء وخضراء ومملوحه .. وزين العرب ضايع فيها
    وجدايل الترف مفضوحه .. ومن تحت سلافه مخفيها
    وابنهبه وازبن الدوحه .. وابعد بها عن اهاليها






    ياناعم العود ليه اشغلت كـل النـاس .. تغـازل النـاس قاصيهـا ودانيـهـا
    اظـن ماعندكـم شيمـه ولااحسـاس .. نفسك على كل مـن وافيـت ترميهـا
    بعض العرب من فعالك صابه الوسواس ..اسرار من جاك عن مـن راح تخفيهـا
    اللي يريد الهـوى مايكشفـه للنـاس .. اسـرار حبـه عـن العالـم يخفيهـا
    ماهوب مثلك مزهب مرسم وقرطـاس ..وصوره ودبله على من مـر تهديهـا
    لاتحسب ان الهوى حمره وزين الباس ..غرتـك بالمنظـره دايـم تواسيـهـا
    الحب عند العرب يازين لـه مقيـاس .. ماهوب دبله مـن الصـواغ تشريهـا
    اسمك دخل كل مجلس وانتشر للنـاس .. اصبحت قصه وكـل النـاس ترويهـا





    ياهل الشميسي عسى قلبـي تحنونـه ..تراه من بعدكـم يازيـن مرضانـي
    واليوم كـل رقـد ماتمـرح عيونـه ..يصبح على الكوع طول الليل سهراني
    مايسمع الهرج لو عنكـم يعذلونـه ..ويقول ماارضى بدال الزين صدقانـي
    معلوم احبه واحـب اللـي يحبونـه ..ولاوالله ارضى بدالـه واحـد ثانـي
    ترى المولـع مولـع لـو يعذلونـه ..قلبه على شوفت الصدقـان ولهانـي
    النارفـي داخلـه واشتبـت اركونـه ..ماعاد يسمع كـلام افلانـي وفلانـي
    بالله يااهـل النصايـح لاتزيـدونـه ..تراه من فرقـه الأحبـاب مرضانـي




    ياهل الفريقين ماكنا عرفناكم .. حتى سلام الشريعه ماتردونه
    اول الى جيت لكم في البيت القاكم .. واليوم باب الهوى عني تصدونه
    وياهل الفريقين انا والله ماانساكم .. ول كان قلبي على النيران تصلونه
    يفز قلبي الى من حل طرياكم .. والعين بمشاهدك يازين مفتونه


    ياهلي قلبي تحطم من هوى الضبـي الملثـم .. لابس الفستان الأدهم شب في قلبـي حريقـه
    في طريق خريص شفته صابني ساعه صدفته .. ليت والله ماعرفته ياهلـي كيـف الطريقـه
    غر غض العود حسنه كامل فـي كـل فنـه .. صار للعشاق فتنـه كـل اوصافـي حقيقـه
    ياامير الحسن قلي تسمـح تشـرف محلـي .. بعدكم والله مااسلى والهجر منكـم مااطيقـه
    قال اخشى هرج عاذل يافتـى خليـك عاقـل .. لاتجيب لنا المشاكل خـل كـل فـي طريقـه
    قلت انا يازين مغـرم بالوصـال والله يعلـم .. طول ليلي اتظلم والصدر فيـه الـف ضيقـه
    ابتعد عني حبيبي جعل ربـي لـه حسيبـي .. صابني وهو الطبيبي والمولع نشـف ريقـه
    واشهد ان الحب قسمه والهوى مافيه رحمـه ..من تولع سم جسمه لبـس ثوبـه مايطيقـه



    ياهلي قلبي تزايد بالسعير ..صاحبي زعلان ياوجدي عليه
    صرت عقب صويحبي مثل الكسير ..هو مجافيني وانا مقدر عليه
    الي مثل صويحبي مافيه خير ..من يودك ليش ماتعطف عليه
    الهوى ياصويحبي بحره غزير.. ومن تولع به فلا يقدر عليه
    ليش ماترحم الي في حبك اسير ..مايرحم الا الله والشكوى الليه


    ياهوى البال جرحي كل يوم يزيد ..والسبب من غلاكم ذقت مر العذاب
    حبكم ساري في دم حبل الوريد ..طابع وسط قلبي مثل طبع الكتاب
    ساكن في حشى روحي ولاله ضديد ..وزولكم عند عيني دايمآ مايغاب
    لاذكرت السوالف والكلام الاكيد ..عفت لذه منامي وعفت حلو الشراب
    ماحلا النور واضح بين هاك الجريد ..يجهر الي يشوفه لو ورى الباب باب
    عقب وقت مضى نمشي على مانريد.. صار يصعب علي منهو يرد الجواب
    ومن سببكم بديت انظم بيوت النشيد ..وكمل الحال مني وصاب قلبي اللتهاب
    يوم فرقى الحبايب مثل يوم الوعيد ..عزي لي من الفرقاء يزيد الصواب
    ليت للحب علاج يذكرونه يفيد ..واتعالج واريح من كثير العذاب






    ياونة ونيتها تالي الليـــــل ..كني كسير عرضوه الجبايـــــــر
    لافي يدي قوه ولافي يدي حيــــل ..الاتوجادي واهل العبايــــــــر
    على غزال مر في يده منديــــل ..يمشي دلع والناس خلفه كسايـــر
    شفته وزاد بي العنا والغرابيل ..ومن نظرته صارت دموعي نثايـــر
    قلنا تفضل قال لي فاتك الريـل ..ماعاد تلحق لو دفعت الذخايـــر
    كتب الكتاب ولامعي فيه تبديـل .. واحذر ترى العدوان في كل عايـر
    ذكرته وصار دمعي همالـــيـل .. ومن ذا الخبر زادت علي الخساير
    ياعاذلي في اللي عيونه درابيل ..اغلى الحبايب سيد كل العشايــر
    واللي يلومون المولع مهابيــل ..مافكروا في الحال وشلون صايــر





    يقول من هو هوى مدعوجه العينين .. حاله نقص والدكاتر عجزوا يداوونه
    من يوم عرفت الغضي ماغمضت لي عين .. ماذقت نوم الملا ياللي تطرونه
    قلبي تولع معك ياناوي البحرين .. واقفى بشفك وخلي اللي يعذلونه
    يفداك من هو بزينه ركب اسطبين .. واللي على همبر يمشي على هونه
    مادام حبل الوصل مابيننا ياثنين .. والبال مشغول معكم لاتخلونه
    دمعي على وجتني جاري كما النهرين .. نمار ولا حنيفه ياللي تعرفونه




    يقولون حالك يالجنوبي علامه شين .. وانا خابر حالي وعارف سبايبها
    سبايب وليف عمره اربع على عشرين .. وليف جرح قلبي وروحي معذبها
    انا من نظرته شب في ظامري نارين .. وعيني لذيد النوم عقبه محاربها
    ابات الليالي ساهر والعرب ممسين .. نجوم الهوى بالقلب بانت مضاربها
    انا ياعذابي لاطرالي كحيل العين .. وعزى لعيني عقب فرقى حبايبها
    الى من ذكرته هل دمعي على الخدين .. وروحي بعد ماغاب كثرت مصايبها
    الا ياحياة الروح ماترحم المسكين .. خف الله بروح حبك اليوم متعبها
    ترى الحال يامحبوب بقلب طواه المين .. وياكيف تسلى النفس من عقب صاحبها



    يوم الأثنين الضحى قابلت بسويقه غزال .. من نظرته حاره اقدامي وبغى عقلي يطير
    اقتربت وقلت له بالله يالغالي تعال .. قال متأسف واظنك ياولد عقلك صغير
    قلت له مانيب جاهل بس حيرني الجمال.. وقد تركت الحب لاكني لأجلك بستخير
    قال لي تبغى الصراحه كل اقوالك محال .. لاتفتكرني غشيمه عارفه انك بشير
    كم وحده عشت معها سنين وشهور طوال .. ولنتهت رغبتك منها تكسر الضلع القصير
    قلت له وحياه من سواك ياتاج الجمال .. ان قلبي في هواك اليوم قد اصبح اسير
    رحت انا وياه يم البيت وصرفت العيال .. وعقب ذيك البهذله مع صالحه عينت خير
    الشفايف حمر ورديه وهي ذوق ودلال .. والسنه تقضي معاها كنها يوم قصير
    والسعاده لاتقابلنا وجاء معنا دلال .. وارسلت كاسين والثالث غدى كلش نثير


    مــــــــــواويـــــــــــــــــــل

    وان كان للناس خمرآ يسكرون به.. فخمري يانور عيني من ثناياكي
    ــــــــــــــــــــــــــــــــــــــــ ــــــــــ ــــــ
    واعدتني بالمجي يوم الخميس ..واخلفت ميعادك ياحلو الشباب
    يالي نويت البحر لازم تقيس ..البحر يازين نيران وعذاب
    ــــــــــــــــــــــــــــــــــــــــ ــــــــــ ـــــ
    ياالي عزمتو للسفر ودعوني ..ترى فؤادي والحشى ولعو نار
    ولامن وصلتو طيبين اخبروني ..احفظ دموعي قبل لايدري الجار
    ــــــــــــــــــــــــــــــــــــــــ ــــــــــ ــــــ
    نشدت عنه وقيل لي صحيت من النوم ..ماكل من ضيع جنيه بيلقاه
    واتلى العهد به في ديار ابن مكتوم ..وماضنتي في ساحل عمان شرواه
    ــــــــــــــــــــــــــــــــــــــــ ــــــــــ ــــــــ
    يازارع الريحان حول خيامنا ..لاتزرع الريحان لست مقيم
    ولاكل من ذاق الهوى عرف الهوى ..ولاكل من شرب المدام نديم
    ولاكل من طلب الساعدة نالها ..ولاكل من قراء الكتاب فهيم
    ــــــــــــــــــــــــــــــــــــــــ ــــــــــ ـــــــ
    الله يجازي الذي يسعون بين المحبين بالفرقا ..ذولا مجانين مايدرون ماجربو حالة الفرقا
    ــــــــــــــــــــــــــــــــــــــــ ــــــــــ ـــــــ
    يازين بالله وشني مسوين فيك ..سلام ربي ماترده عليه
    كانك علي زعلان والله لاأرضيك ..ولااحب راسك لين تزعل عليه
    قلب العنى في واحد من مخابيك ..ولامن سمح خاطرك رده عليه
    ــــــــــــــــــــــــــــــــــــــــ ــــــــــ ــــــــ
    مر وتعدى مانظر لي بعينه ..وانا على الدرب اتحرى سلامه
    يامن يدير الصلح بيني وبينه ..وياخذ كلامي ثم يوصل كلامه
    ــــــــــــــــــــــــــــــــــــــــ ــــــــــ ــــــــ
    يانور عيني عقبك الحب ينعاف ..ولاينشرى عقبك ولابأربع قروش
    وان ماحصل حبً على صدق وانصاف ..الذهب مايشرى الى صار مغشوش
    حبك سباني الغضي وانت الاسعاف ..اسمك بوسط القلب بالحرف منقوس
    ــــــــــــــــــــــــــــــــــــــــ ــــــــــ ــــــــ
    يقول المثل من يلفي بليا عزيمه ..لامن ضواه الليل يرقد بلا فراش
    ومن باع قلبه ماطلب فيه قيمه.. يستاهل الي يرخص النفس ببلاش
    ويامساير العالم بنيه سليمه ..لزوم تنشب بين خاين وغشاش
    قدرتك اول احسب ان فيك شيمه ..واثرك مرايه وجه وان غبت غشاش
    ــــــــــــــــــــــــــــــــــــــــ ــــــــــ ــــــــ
    ياصاحبي مليت من كثر الاعذار ..قلبي سمح ماعاد لي رغبة فيك
    وعقب الغلا بعناك بخس الاسعار ..دور على غيري عسى الله يهنيك
    وعرفت قصدك عندما بحت الاسرار ..وعقب الموده عفت شوفك وطاريك
    ومن بعدها احرقت صورتك بالنار ..ارتاح قلبي بعد ماولعت فيك
    ــــــــــــــــــــــــــــــــــــــــ ــــــــــ ـــــــ
    يامذن اذن تقترب طلة النور ..الليل طال وطول الصبح مابان
    عجل ترى مانيب داله ومسرور ..والي على بالي من الناس زعلان
    طاوع بي الفتان حكاية الزور ..ووجه لي التهمه على غير برهان
    والله لولا قولة فلان مسحور ..لاأطق بابه لوهو مخطي وزعلان
    ــــــــــــــــــــــــــــــــــــــــ ــــــــــ ــــــــــ
    ارخصت نفسي لك واشوفك تعديت ..حبل الموده والهوى ياضنيني
    لاتحسبني يوم اجاملك لااخطيت ..تالي الشهر قصدي معاشك يجيني
    ولو اني ادري عن فعايلك ماجيت.. مع حارة انتم بها نازليني
    ــــــــــــــــــــــــــــــــــــــــ ــــــــــ ــــــــــــ
    كذبت فيك الين شافتك عيني ..مع واحد قد قلت لك لاتماشيه
    بانت ملفاتك يسار ويميني ..تظهر لنا بغضه وقلبك مصافيه
    ومن يوم عاشرته حلفت ماتجيني ..ومن عقب منتب بايعه صرت شاريه
    ــــــــــــــــــــــــــــــــــــــــ ــــــــــ ـــــــــ
    بغيناك يادكتور تعالج مرضنا ..لقيناك يادكتور محتاج دكتور
    انا وانت مانقدر نعالج بعضنا ..ومادام ذي حالتك اصبحت معذور
    ــــــــــــــــــــــــــــــــــــــــ ــــــــــ ــــــــــ
    يازين سامحني اذا قلت مرخوص ..واذا بدى لك حاجه مستعدين
    بحر الشراكه ياحلو فيه ماأغوص ..وثوب النفر مايمتكن يكسي اثنين
    ومادامني في مثل ذا الغار مقروص ..وش لي بغار خابر فيه دابين
    واريح لي ارقد في عريش من الخوص ..ولا والله ارقد في سرير الشريكين
    ــــــــــــــــــــــــــــــــــــــــ ــــــــــ ـــــــــــ
    بلغوها اذا وصلتم حماها ..انني مت بالغرام فداها
    واذكروني لها بكل جميل ..عساها ان تعطف علي عساها
    واجلبوها الى تربتي فعظامي ..تشتهي ان تدوسها قدماها
    ــــــــــــــــــــــــــــــــــــــــ ــــــــــ ــــــــــــ
    تبي عيديتك وابغى اعايد ..لاشك العيد في غرفه خصوصي
    انا وياك وثالثنا ابوزايد ..وقل لهلك ابذاكر دروسي
    ــــــــــــــــــــــــــــــــــــــــ ــــــــــ ـــــــــ
    يقولون لي العذال ماأخبلك يافلان ..تبي ولد ناسن تفارقت وياه
    غض النهد لامن نوى فجعة لي ..يرخي المليثم لين تضهر ثناياه
    ــــــــــــــــــــــــــــــــــــــــ ــــــــــ ـــــــــ
    والله لو التتن يكوي فؤادي ..لاأصرع الونات بسباب غالي
    ــــــــــــــــــــــــــــــــــــــــ ــــــــــ ــــــ
    كلن نهار العيد عايد حبيبه ..واللتم شمل اهل القلوب المواليف
    الا حبيبي غايب الله يجيبه ..ياحسرتي كان انتهى العيد ماشيف
    ــــــــــــــــــــــــــــــــــــــــ ــــــــــ ـــ
     

مشاركة هذه الصفحة