انا يا سعد بت كني قريص الداب * قريص الهوى داب المحبة تلوابة غفت عيني القشرا وعلق بقلبي ناب * وانا كيف ابدله عقب ماصابني نابه ماكنت احسب القلب بأقصى الضمير يصاب * لين اعترض له واحدٍ في العرب صابه غريرٍ صغير السن بأهل الهوى لعاب * على صغر سنه عاجزٍ عنه طَلاّبه يواعد ولا يوفي ولا أقول له كذاب * وعد ضامر السرجوف بالعصر ماجابه رهني وخلاني نبطشي بوجه الباب * والا شافني مريت وقَّف على بابه يزيد البلاء بي كلما وقف يابن عقاب * تصبرت مير الصبر للقلب ماثابه انا هايبٍ والعذب ياهل المودة هاب * قضى العمر هايبني وانا أدراه واهابه ولا شك بأخاطر ولو يقطع الارقاب * بعلم الولي الآجال والرزق بكتابه ومن لايخاطر مات غلٍ وظنه خاب * جداه التمني ماحصل ماتهقوى به أنا حالفٍ ما أجوز والكيف لي ماطاب * عسى لايمي صاروخ الاقدار يعثابه والا مت ترى الموت حق وهو بأسباب * وصاتي لمن عقبي من الحب جنابه منقول
