قال ابو طاهر وغنا من هجوس ماتونا قطفها من كل فنا من زهور النرجسيه صاغ شجون القوافي صوتها من صدر صافي وبانت علوم الخوافي في عروق القلب حيه كم صبرت وكم نعاني لين بينت المعاني قام يحداني زماني بين شمس وبين فيه والهوا في القلب ساري سار وسط الدم جـاري يحسب اني ماني داري سار كنه سم حيه يالهوا لاتمتحني خاف ربك روح عني جيتني مع كبر سني مابقالي فيك نيه قال انا احبك وجيتك كم نصيتك عند بيتك لك مواقف مانسيتك وانت متكبر عليه يالهوا عذبت روحي اسألك بالله تروحي لاتنقضلي جروحي شوف بان الشيب فيه قال باقي قلبك اخضر كل ما اشوفك تبختر وان لمحت الظبي الاشقر ماتقاوم الجاذبيـه قلت انا قفا شبابي الدقن والراس شابي دوبي اصفي حسابي في الديون اللي عليه قال تعجبني لحونك والغوادي يسمعونك لاتهيضت بشجونك باللحون العاطفيه قلت جنب عن دروبي مالك ومال الطروبي روح تكفيني ذنوبي لاتزودها شويه قال طبعك يا ابوطاهر يختلف عن كل شاعر عندك احساس ومشاعر تجلب سهوم المنيه يالهوا تعبت حالي مابقا عندي مجالي روح دور لك بدالي ماتمشيها عليـه
