أحمد الله وأشكره وأثني عليه = كافل الأرزاق خلاق الأمم جل شانه مالنا رب سواه = موجد المخلوق كله من عدم يا إله العرش يامن لا يضام = أسألك وأدعوك باسماك العظم اتفكني من شر عجز ٍ جايرات = هن تبلني تقل طلاب دم كلهن عندي على ما قيل بين = محللات بجرورهن ما قد حرم غافل ٍ عنهم ولا فيهم دريت = لكن العجز محنني بالتهم أربع وافيتهن أمس الضحى = في طريق السوق يا مال الوهم ملتفت خلفي ولاهن واقفات = وقفن مشبهرات كالغنم قالت الأولى سمعنا قيل مات = وهذا هو حي يتركز كالعلم ما هقينا يقوم من ذاك المطيح = صاقعات ٍ تصقعه مسرع سلم مايموت بساع طراد الهوى = وإبليس مايخرب العشه لو هدم قالت الأخرى وهي صوبي تشير = افطنوا له زين ما بقلبه رحم من يبشرني بموته لو يموت = أعطيه ما أملك و اكتب بالقلم له على نفسي ولا هذا جزاه = من يفك العجز من هذا الصنم الثالثة قالت وهي تمتاز غيظ = صددوه بسكتن وبننتقم نضربه يا ناس لين انه يموت = نقطع الأنفاس منه والنسم قبل يا لانا ترى ماله أمان = وإن تولانا ترى فينا حكم ما بقلبه رحمة لو هو يقول = لو ينال العجز خلاهن رجم الرابعة قالت تراكن قاصرات = ماعرفتوا كلكم صرتوا غشم ذا جزاه بليل روحوا واعزموه = واذكروا له لهطه ترف القدم قولوا المجمول طرشنا عليك = ملزم ٍ يبغيك هذا مالزم لي سمع تطرون له صافي الجبين = أبرم الساقين مروي الجسم أدعج العينين ياويله عليه = بنت ذاك وذاك تخدمها الخدم يبي يجي معكم ترى في كل حال = وأظهروا له بالطريق من الكرم ولا دخل للبيت خل يكتب وصاة = نربطه ونزيد برباط عسم وفي قصاميل السعف نركض عليه = نضربه لين يغدي جسمه لحم ذا جزاء منهو يصير لنا حريب = من يعادي العجز يبشر بالندم انظر الصغرى بهم تسعين عام = عمرها والشيب بالراس احتدم تلتفت وتقول سمعوا يابنات = كلكم بالعرف من أهل العزم ساعدوني وكلنا نهجم عليه = هجمة الماخوذ في يوم الزحم يحسبنِّي بكل هذا مادريت = وعن حكيهن يحسبنِّي في صمم مادرن إني لهن اكبر خصيم = اترقب كل فرصه واغتنم اغتنم لهلا كهم ماقويت = ودي أهلكهن وهن صم ُ بكم حيث موت العجز نفرح به جميع = جعلهن في النار تودعهن عدم اِلتفَتْ وقلت ياعجز الطغاة = وش تبَنْ بي واقفات كالبقم تنظرن وعيونكم مثل النذير = كم واحد منكم على غيظه كظم كنكن في الأرض صرتوا موكلات = تدّعون الدين وأشراف الذمم وين مسباح العياره في النهار = تعلقونه للتهلل يازعم في ظلام الليل كلكم تركضون = وفي نهار الناس تطوون العمم والله إني كامن بعرض الطريق = ناصب ٍ لكم الشرك ياهل النمم ومن لقيته منكم بأجمد عليه = وأستوي لقلوبكم مثل السهم قالت أرفق يافتى علمك غديت = ليش تنكرنا وحنا من قدم لك على المجمول حنا مساعدين = كم ليلة جيناك تسمعنا النغم والحبيب اللي تبي معنا يسير = في الظلام نجيب لك ترف القدم قلت ماني لقربكم والله حريص = من يقاربكم يقارب داب سم حية تسعين و إنتي تلدغين = نملة تمشي على ريح الدسم لكن الله لي كشف سترك نجاة = باكشف المخشوش واظهر مانكتم وأفضحك قدام خلق الله وأقول = وأشهرك كالنار من فوق العلم قفن القشرات وهن محندبات = راحت أربعهن يخفُّون الجزم اركضن وعبيهن خطرا تطير = والمرافق تومي اوماي وهم مثل سحّار قيس ولن مدبرات = طارن السحر وتم القيل تم منقول
