ياعذول المحبة حط نفسك مكاني قبل لاتحكم وتظلم بليا دليل وياحبيب ن تخلا عن غلآهـ ونساني أشرح أسباب صدك قبل تبدا تشيل ولاتلوم الزمان اللي بكفك رماني لوم قلبَ طوا حيه ويبغي الرحيل شاعرك لي متى من عقب صدك يعاني لاجل عينك ولاجلك يصنع المستحيل مابقى في يديني غير نظم المعاني فك له باب قلبك ماخبرتك بخيل كان طرفك خذا من وقتك وماعطاني أقنع القلب باسبابك وصبر ن جميل كان قصدك تبيع الحب في حب ثاني حسبي الله علي قلبك ونعم الوكيل كيف تنسى المحبه وكيف قلبك أناني كيف طاوعك قلبك كيف مالك خليل مالي ألا أتذكر مامضى من زماني يوم كان الوفاء والوصل ماله مثيل يوم كنا نعد أوقاتنا بالثواني كل مابان صبح وكل ماحل ليل لكن النفس عندي ماتطيق الهواني ومن تعود علي الجزلة بهيف القليل الله يسهل أدروبه ليا مابغاني ومن تركني تركته والمفارق طويل
