مالك ومال الناس يا عذب اللّما روس ٍ محشّات القفاء بحلوقها اللي ترعرع عندها النَّمَّ ونما من تحتها قام يتعلّى فوقها الارض خلّيها لهم .. وارقي سما قدرك رفيع وهيبتك بحقوقها تريّثي لي ربع ساعه ريثما فيك القصيدة يكتمل طاروقها عسى عيون ٍ ما تحبّك للعما بنتي .. وبانت بالبنات فروقها من يوم قلبي في محبّتك ارتما كل العذارى معك طايح سوقها إليا جلستي بينهن راحن دِما اطيبهن اللي جامدات عروقها وإليا وقفتي طولك الفارع زما وقامت تواصيفك تميل عذوقها هيّضتي القلب المولّع واحتما نفسي عليك تسوقني واسوقها رمشك رمى سهمه وظنك وش رما هاتي ظنونك وافتحي صندوقها قضيّة العشاق ما فيها اخصما جعل القطيعه ينقطع معلوقها تبسّمي حتى يروح الثلج .. ما واقطف عناقيد العنب واذوقها الابتسامة منك قطّاعة ضما في ثغرك مزون ٍ تلوح بروقها حبّك بقلبي كل ما يكبر سما يا شفّ روح ٍ راقيه في ذوقها
